Lajme

Lulzim Peci: Mobilizimi ushtarak i Serbisë nënkupton më shumë trupa të NATO-s në rajon

Autori: Gazeta inFokus 13:16 | 04 January 2024

Analisti Lulzim Peci ka thënë se Beogradi është duke e përgatitur edhe shërbimin e detyrueshëm ushtarak prej katër muajve.

Sipas tij, armatimi dhe mobilizimi ushtarak i Serbisë nënkupton edhe më shumë trupa ushtarake të NATO-s në rajon për të siguruar paqen dhe stabilitetin rajonal, raporton Klan Kosova.

“Kjo politike e Serbisë përpos që ka për qellim përgatitjen masive të popullatës për situata luftarake, do të ndikojë edhe në emigrimin e të rinjve shqiptarë nga Lugina e Preshevës, pasi edhe ata do të detyrohen të jenë pjesë e shërbimit të detyrueshëm ushtarak. Përmes saj padyshim se do të bëhet në mënyrë të heshtur edhe ndërrimi i mëtutjeshëm i strukturës etnike në këto territore”, ka shkruar Peci në Facebook.

-Advertisement-

“Përpos politikës në Prishtinë dhe Tiranë, perëndimi duhet ta ketë në vëmendje të plotë atë se çfarë është duke bërë Serbia në këtë fushë. Armatimi dhe mobilizimi ushtarak i Serbisë nënkupton edhe më shumë trupa ushtarake të NATO-s në rajon për të siguruar paqen dhe stabilitetin rajonal”, ka shtuar ai.

Subscribe në YouTube: GAZETA INFOKUSI