Luftimet në Sudan hyjnë në javën e dytë
![](https://gazetainfokus.com/wp-content/uploads/2023/04/9-2-852x460.png)
Autori: Gazeta inFokus
10:51 | 22 April 2023
Luftimet në kryeqytetin e Sudanit kanë hyrë në javën e dytë, teksa është shkelur edhe një armëpushim i përkohshëm. Qindra persona janë vrarë dhe mijëra të tjerë janë plagosur nga luftimet mes forcave të dy gjeneralëve rivalë.
Gjatë natës janë dëgjuar shpërthime të fuqishme në kryeqytetin sudanez, Kartum, ndërsa në mëngjesin e së shtunës janë rikthyer luftimet me armë zjarri.
Dhuna shpërtheu më 15 prill kur nisën luftimet mes forcave besnike të shefit të ushtrisë, Abdel Fattah al-Burhan, dhe zëvendësit të tij, Mohamed Hamdan Daglo, i cili komandon grupin paramilitar të Forcave të Mbështetjes së Shpejtë.
Këta dy ish-aleatë kishin marrë pushtetin përmes një grusht shteti më 2021, por më pas patën mosmarrëveshje për shkak të ndarjes së pushtetit.
Ushtria njoftoi më 21 prill se ishte pajtuar “për një armëpushim treditor” gjatë festës së Fitër Bajramit që shënon përfundimin e Muajit të shenjtë të Ramazanit.
Armëpushimi ishte kërkuar një ditë më herët nga sekretari i Përgjithshëm i Kombeve të Bashkuara, Antonio Guterres, dhe sekretari amerikan i Shtetit, Antony Blinken.
Daglo tha përmes një deklarate tha se ai kishte “diskutuar për krizën aktuale” me Guterres dhe se biseda ishte “përqendruar në një armëpushim humanitar, rrugë të sigurta për evakuim dhe në mbrojtjen e punëtorëve të ndihmës”.
Po ashtu, gjatë javës ishin shpallur dy armëpushime 24-orëshe, por të cilat nuk janë respektuar.
Në Kartum, qytet prej 5 milionë banorësh, luftimet kanë bërë që civilët të strehohen brenda shtëpive të tyre. Luftimet po ashtu kanë bërë që civilët të mbesin pa energji elektrike dhe furnizimet me ushqime janë pakësuar.
Teksa luftimet po vazhdojnë, planet janë bërë për evakuimin e shtetasve të huaj, me Shtetet e Bashkuara, Korenë e Jugut dhe Japoninë që kanë dislokuar forca në shtetet fqinje, teksa Bashkimi Evropian pritet të bëjë të njëjtën gjë.
Të premten, Departamenti amerikan i Shtetit tha se situata ishte shumë e rrezikshme për të nisur evakuimin e personelit të Ambasadës amerikane.
Sipas Organizatës Botërore të Shëndetësisë, 413 persona janë vrarë dhe 3.551 janë plagosur në luftimet në mbarë Sudanin, por numri real i viktimave besohet se është më i lartë, pasi shumë të plagosur nuk kanë qasje në spitale.
Mospajtimet mes dy gjeneralëve janë të përqendruara në planin e integrimit të Forcave për Mbështetje të Shpejtë në ushtrinë e rregullt, që është një prej kushteve kyçe të marrëveshjes që synon rivendosjen e tranzicionit demokratik të Sudanit.
Ushtria kishte rrëzuar nga pushteti Omar al-Bashir në prill të vitit 2019, pas protestave masive kundër sundimit të tij me grusht të hekurt prej tri dekadash.
Në tetor të vitit 2021, Burhan dhe Daglo bashkuan forcat dhe rrëzuan Qeverinë civile të instaluar pas rrëzimit të Bashirit, duke penguar tranzicionin në sundim demokratik.
Daglo tani ka thënë se grusht shteti ishte “gabim” dhe dështoi që të sillte ndryshime, ndërkaq Burhan ka shprehur bindjen se ai ishte “i domosdoshëm” për të përfshirë më shumë grupe në politikë./REL
![](https://gazetainfokus.com/wp-content/uploads/2024/02/shkolla-finlandeze-impact-780x4391-1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...