Sport

“Luftë” e madhe e skuadrave angleze për yllin e Shakhtarit

Autori: Gazeta inFokus 13:42 | 30 March 2018

Ylli i Shakhtarit Fred pëlqehet nga shumë klube të mëdha evropiane.

Skuadrat angleze, Manchester United dhe Manchester City janë futur në garë për futbollistin e Shakhtar Donetsk, Fred.

Këtë lajm e ka konfirmuar para pak ditësh edhe drejtori gjeneral i klubit ukrainas, i cili ka thënë se Fred nga sezoni tjetër do të luajë në njërën prej dy klubeve të qytetit të Manchesterit.

-Advertisement-

Këshilltari i Fred, dikur ish-futbollisti i Arsenalit, Gilberto Silva po ashtu ka thënë se klienti i tij është i interesuar për të luajtur në Premier Ligë.

“Momentalisht jemi të hapur për të gjitha skuadrat, por Premier Liga mbetet objektivi kryesor i yni”, ka thënë Silva për Sky Sports.

“Kemi pasur oferta për të edhe gjatë afatit kalimtar të janarit, por ai vendosi të qëndronte. Premier Liga mbetet destiancion i preferuar për Fred”, ka theksuar ai.

Mbetet të shihet se cili në mes të Jose Mourinhos dhe Pep Guardiolas do t’ia dalë ta bind brazilianin për t’iu bashkuar skuadrës së tij.