Sport

Loriana Kuka e fiton medaljen e argjendtë, Kosova kthehet me dy medalje nga Izraeli

Autori: Gazeta inFokus 16:56 | 26 January 2019

Xhudistja kosovare Loriana Kuka e ka fituar medaljen e argjendtë në turneun e madh të xhudos, Grand Prix, pasi u mposht nga Klara Apotekarin e Sllovakisë në finalen e së shtunës në Tel Aviv, duke ia siguruar Kosovës megjithatë medaljen e dytë në përgjithësi nga ky turne, pas asaj që e fitoi Majlinda Kelmendi vetëm një ditë më parë.

Loriana e mund nga Klara Apotekar në kategorinë -78 kilogramë pas një lufte dërmuese në kohën shtesë, por e çoi në shtatë numrin e përgjithshëm të medaljeve të fituara në karrierën e saj, raporton Gazeta Express.

Pas katër minutave të rregullt pa fitues, lufta shkoi në kohë shtesë, ku fituese përcaktohej me golden score – garuesen që fiton pikë e para. Sllovakja u tregua më e qëndrueshme dhe e rrëzoi Kukën duke siguruar pikë që ia fitoi asaj medaljen e artë.

-Advertisement-

Megjithatë, Kuka u sigurua që Kosova të kthehet nga Izraeli me dy medalje nga dy garues që morën pjesë në Grand Prix.

Ajo kaloi në rundin e dytë pa lojë, ndërsa në rundin e tretë e mposhti me ippon holandezen Ilona Lucassen, duke siguruar çerekfinalen.

Çerekfinalja doli të ishte më e vështirë për të, pasi përballë pati rusen Aleksandra Babinsteva, të cilën e mundi 1-0 me rezultat teknik.

21-vjeçarja e siguroi një vend në finalen e garës Grand Prix në Tel Aviv të Izraelit, si dhe të paktën medaljen e argjendtë, pasi e mposhti xhudisten angleze, Natalie Poëell, në gjysmëfinale.

Në finalen e së shtunës pasdite, e kaloi pa problem edhe sllovaken Klara Apotekar, duke e fituar medaljen e dytë të artë për Kosovën brenda dy ditëve dhe të pestën të artë personale në karrierën e saj.

Kjo ishte medalja e dytë, po ashtu e artë, për Kosovën në dy ditë të garave në Izrael, sepse dje Majlinda Kelmendi ia doli ta fitojë garën në kategorinë -52 kilogramë.

Majlinda ishte e shkëlqyer duke i fituar me ippon të gjitha katër ndeshjet e zhvilluara të premten dhe mori medaljen e artë.

Të dy xhudistët kosovare sigurojnë edhe numrin e pikëve maksimale nga ky turne, në rrugë për t’u kualifikuar në Lojërat Olimpike Verore Tokyo 2020.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

sport