Sport

Lopetegui: “Nëse Kovacic largohet, Reali do ta gjej një top lojtar zëvendësues”

Autori: Gazeta inFokus 15:23 | 08 August 2018

Trajneri i Real Madridit, Julen Lopetegui, nuk mund t’i ikte pyetjeve lidhur me transferimet gjatë konferencës për shtyp pas ndeshjes kundër Romës mbrëmë pas mesnate.

Thibaut Courtois dhe Luka Modric u diskutuan në mënyrë të pashmangshme, por tema kryesore e konferencës mbrëmë ishte një tjetër mesfushor kroat, Mateo Kovacic.

“Është e vërtetë se Kovacic ka shprehur dëshirën e tij për t’u larguar.” – tha fillimisht Lopetegui.

-Advertisement-

“Do doja që ai të qëndronte pasi që është i rëndësishëm për ne, por është e vërtetë se asgjë nuk është ende 100 për qind.Nuk ka ende ndonjë marrëveshje për të, por nëse ai largohet, ne do të duhet të gjejmë një lojtar tjetër të nivelit të tij.” – tha Lopetegui në lidhje me Kovacic.

Transferimi i Courtois gjithashtu mund të ketë ndikim te Keylor Navas, portieri i parë i tanishëm i klubit, për të cilin Lopetegui kishte vetëm lëvdata dhe fjalë të mira.

“Keylor është fenomenal. Ai është një portier i jashtëzakonshëm dhe ka besimin tonë të plotë.” – tha trajneri bask.

Shkurtimisht, ai bëri edhe një koment mbi transferimin e Courtois duke thënë se nuk mund të fliste për këtë çështje, ndërkohë që edhe në pyetjen rreth së ardhmes së Modric, nuk e zgjati shumë: “Presidenti tashmë është shprehur hapur për këtë çështje.”

Subscribe në YouTube: GAZETA INFOKUSI