Lajme

Lladrovci ia dorëzon titullin “Qytetare Nderi” humanistes zvicerane, Ana Roch

Autori: Gazeta inFokus 18:15 | 13 February 2023

Kryetari i komunës së Drenasit, Ramiz Lladrovci, ia dorëzoi sot, titulli “Qytetare Nderi”, znj. Ana Roch, deputete e Këshillit të Madh të Gjenevës në Zvicër, humaniste e cila ka përkrahur shumë gratë e komunës së Drenasit.

Kryetari Lladrovci ka shkruar se “ne jemi të nderuar ta kemi “Qytetare Nderi” një humaniste si ajo, përkrahëse e Kosovës dhe humaniste e shquar nga Zvicra”.

Postimi i Lladrovcit në rrjetin social:

-Advertisement-

Me nderime, sot, titullin “Qytetare Nderi” e Komunës së Drenasit, ia dorëzova solemnisht, znj. Ana Roch, ku ishin të pranishëm edhe Kryesuesi i Kuvendit, Milaim Hajdari dhe disa nga drejtoreshat e drejtorive komunale.

Znj. Ana Roch, “Qytetare Nderi”, është shpallur njëzëri në Kuvendin e Drenasit. Ajo, është deputete e Këshillit të Madh të Gjenevës në Zvicër.

Me dhënien e titullit “Qytetare Nderi” për znj. Ana Roch, kemi vlerësuar kontributin e saj të vazhdueshëm humanitar për gratë e komunës së Drenasit. Ne jemi të nderuar ta kemi “Qytetare Nderi” një humaniste si ajo, përkrahëse e Kosovës dhe humaniste e shquar nga Zvicra.

Subscribe në YouTube: GAZETA INFOKUSI