Sport

Liverpooli synon fitore ndaj Spartakut

Autori: Gazeta inFokus 14:50 | 06 December 2017

Menaxheri i Liverpoolit, Jurgen Klopp, ka kërkuar nga lojtarët e tij që të mos luajnë për barazim në ndeshjen e rëndësishme të Ligës së Kampionëve kundër Spartakut të Moskës.

“Të kuqtë” në ndeshjen e fundit të grupit E hyjnë si kryesues në tabelë, me një pikë më shumë se Sevilla në pozitën e dytë dhe dy më shumë se moskovitët.

Një barazim sonte është i mjaftueshëm për Liverpoolin, ndërsa fitorja do t’ia siguronte pozitën e parë.

-Advertisement-

“Hiq ose asgjë zakonisht do të thotë ose fitoni ose humbni”, ka thënë Klopp në konferencën për media.

“E dimë se mund të barazojmë, por ky informacion është i dobishëm pas ndeshjes. Nuk mund të luajmë për këtë dhe nuk duam të luajmë për këtë gjë. Nëse njerëzit janë nervoz ose jo, unë nuk e di këtë gjë”.