Sport

Liverpooli pritet ta zgjidhë të ardhmen e Salah para janarit

Autori: Gazeta inFokus 13:14 | 29 Tetor 2021

“Të Kuqtë” dëshirojnë që ta mbajnë yllin egjiptian për kohë të gjatë në “Anfield Road”.

Gjigandi anglez Liverpool pritet që të zgjidhë problemin mbi të ardhmen e Mohamed Salah para afatit dimëror të transferimeve, pasi që thuhet se kanë pranuar kërkesat e egjiptianit, raporton “Football Insider”.

29 vjeçari, i cili momentalisht është njëri nga lojtarët më të mirë në botë, ka kontratë aktuale me “Të Kuqtë” deri në fund të vitit 2023, përcjell KosovaPress.

-Advertisement-

Ndërsa Salah nuk ka shprehur dëshirën që të largohet nga Liverpooli, kërkesat e tij për rritje të pagës kanë ngadalësuar bisedimet mbi vazhdimin e kontratës, por krerët e gjigandit anglez thuhet se tani kanë pranuar kërkesat e egjiptianit vetëm që ta mbajnë atë në “Anfield Road’.

Këtë sezon, në 12 paraqitje për Liverpoolin në të gjitha garat, Mohamed Salah ka regjistruar 17 gola dhe pesë asistime mbi emrin e tij.