Lajme

Lista Srpska reagon: Ishim të gatshëm t’i ndërrojmë kryetarët, por s’deshëm të luajmë “lojën e regjimit në Prishtinë”

Autori: Gazeta inFokus 20:24 | 21 April 2024

Subjekti politik, Lista Serbe, ka reaguar pasi ka dështuar referendumi për shkarkimin e kryetarëve në katër komunat veriore.

Ky subjekt politik që hapur e pranon afërsinë me Beogradin zyrtar, ka deklaruar se procesi i sotëm ishte “një shfaqje e Kurtit”.

Lista Serbe përmes një deklarate të lëshuar në Facebook, të dielën, kanë thënë se ishin të gatshëm të ndërrojnë kryetarët, por nuk donin të bëheshin pjesë siç e quan ky subjekt politik “pjesë e lojës së regjimit në Prishtinë”.

-Advertisement-

“Duam të përsërisim qartë se ishim më se të gatshëm të marrim pjesë në këtë proces për të parë prapavijën dhe për të zëvendësuar këta kryetarë fallco në komunat tona, por nuk donim të luanim lojëra të dirigjuara nga regjimi në Prishtinë”, thuhet në njoftim.

Më tutje, Lista Serbe thotë se “dita e sotme tregoi se si duket demokracia nën Albin Kurtin, me armë të gjatë, forca speciale dhe automjete të blinduara në qendrat e votimit, kamera që incizojnë votuesit”, sipas kësaj partie.

Presidentja e Kosovës, Vjosa Osmani, ka deklaruar se referendumi dështoi për shkak të presionit të Beogradit përmes Listës Serbe. /Gazeta Express

Subscribe në YouTube: GAZETA INFOKUSI
Shijoni eksperiencën e re të blerjes në Meridian Express x EXFIS!

Të tjera