Sport

Lista me emrat e futbollistëve që do ta fitojnë “Topin e Artë” pas Messit dhe Ronaldos

Autori: Gazeta inFokus 11:25 | 09 December 2017

Cristiano Ronaldo ka arritur të fitojë topin e pestë të artë në karrierën e tij duke barazuar yllin argjentinas të Barcelonës, Lionel Mesin. Këta dy lojtarë kanë dominuar botën e futbollit gjatë dekadës së kaluar, por po vjen koha që “diktatura” t’i kalojë gjeneratës së re të futbollistëve.

Në vitet në vazhdim, disa prej lojtarëve më të talentuar të momentit priten të përballen kokë më kokë për titullin e Topit të Artë. Një prej tyre është edhe ylli i PSG-së, Nejmar, i cili ka qenë i treti në renditjen e këtij viti për të fituar këtë trofe.

Braziliani u largua gjatë merkatos së verës nga skuadra e Barcelonës pikërisht me synimin për të fituar topin e artë duke u nxitur nga fakti se nuk mund ta arrinte duke i bërë hije Lionel Mesit në skuadrën katalanase.

-Advertisement-

Një tjetër emër, i cili pritet të jetë një nga garuesit më potencial për këtë titull është edhe sulmuesi i Atletikos, Antuan Grizman. Në vitin 2016-të, Grizman është renditur i treti sa i përket emrave favoritë për Topin e Artë.

Edhe pse gjatë këtij sezoni nuk ka qenë në formën e tij më të mirë, ai pritet të jetë një nga konkurrentët më të favorizuar për të ardhmen. Edhe emri i talentit, Kilian Mbape, është ngritur shumë gjatë kohëve të fundit pas formës së shkëlqyer në skuadrën e PSG-së.