Lajme

Lirohet Nemanja Vllaskoviç, njëri ndër udhëheqësit e grupit që sulmoi gazetarët në veri

Autori: Gazeta inFokus 14:11 | 15 July 2023

Nemanja Vllaskoviç, serbi i cili u arrestua për sulm ndaj ekipit të mediave është liruar me dorëzani.

Kështu ka konfirmuar për Telegrafin, Lumnije Surdulli, zyrtare për informim në Gjykatën Themelore në Mitrovicë.

“Po është e vërtetë që është liruar dje, me dorëzani”, konfirmoi ajo.

-Advertisement-

Ndryshe, ministri i Punëve të Brendshme, Xhelal Sveçla më 16 qershor kishte njoftuar se është arrestuar Vllaskoviç.

“Një nga udhëheqësit e grupit që ka sulmuar gazetarët e mediumit Kallxo në Leposaviq me datë 29 maj, sapo është arrestuar. Nemanja Vllaskoviç do të ballafaqohet me drejtësi për sulmet e kryera ndaj gazetarëve tanë. Të gjithë sulmuesit dhe kriminelët do të sillen para drejtësisë, kjo nuk ka alternativë”, kishte njoftuar ministri.

Gjatë eskalimit të situatës në veri, grupe serbe kriminale kishin sulmuar policë, ushtarë, dhe ekipe të mediave.

Subscribe në YouTube: GAZETA INFOKUSI