Lajme

Lirimi i policëve të rrëmbyer nga Serbia, Osmani falënderon SHBA-në

Autori: Gazeta inFokus 12:23 | 26 June 2023

Presidentja Vjosa Osmani ka reaguar pas lirimit të tre policëve të rrëmbyer nga Serbia.

Për këtë ajo ka falënderuar Shtetet e Bashkuara të Amerikës.

Osmani, në konferencë për media pas takimit me guvernaatoren e Iowa, Kim Reynolds ka thënë se aleanca e Kosovës me SHBA-të është ekzistenciale.

-Advertisement-

Lidhur me lirimin e policëve, kryeministri Albin Kurti ka thënë se ky veprim është shkelje e të drejtave të njeriut dhe se Serbia duhet të mbajë përgjegjësi.

“Konfirmojmë se 3 policët e rrëmbyer tashmë janë liruar. Edhe pse jemi të gëzuar që ata kthehen në familjet e tyre, ky kidnapim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, ka shkruar Kurti në Twitter.

Rifat Zeka, Beqir Sefi e Mustafë Shemi, ishin arrestuar më 14 qershor nga forcat serbe brenda territorit të Kosovës, ndërsa sot Gjykata në Kralevë mori vendim për lirimin e tyre.

Arrestimi i tre policëve kishte nxitur reagime të shumta në vend, ku ishte kërkuar lirimi i menjëhershëm dhe pa kushte.

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme