Lajme

Limaj kujton Dragajn: U prehsh në paqe bashkëluftuari im

Autori: Gazeta inFokus 15:08 | 14 May 2017

Kryetari i Nisma, Fatmir Limaj ka shprehur ngushëllime për vdekjen e komandantit Shaban Dragaj.

“Shaban, do të mbetesh përherë në kujtimet e mija për trimërinë që kishe, për karakterin tënd të fort dhe për vullnetin që kishe. Ngushëllimet e mija më të sinqerta për familjen dhe miqtë tij. U prehsh në paqe bashkëluftuari im, Komandanti Shaban Dragaj”, ka shkruar Limaj.

Ish luftetari i UÇK’së, Shaban Dragaj, ka vdekur nga një sulm në zemër. I ndjeri ishte i lindur në vitin 1958 në Leqinë të Drenicës. Kishte mbaruar akademinë ushtarake në Sarajevë dhe kishte shërbyer si epror ushtarak në ish ushtrinë e RSFJ-së.

-Advertisement-

Me formimin e UÇK-së, Dragaj në fillim të muajit prill të vitit 1998, bashkë me të vëllain Musën, iu bashkëngjit radhëve të saj. Si pjesëtar i UÇK-së, ai ka marrë pjesë në betejat e Zonës operative të Dukagjinit, Berishës dhe Drenicës.

Pas mbarimit të luftës, Dragaj ka shërbyer në institucionet e Republikës së Kosovës. Dragaj është inkuadruar edhe në poltikë dhe ka qenë kandidat për kryetar të Komunës së Mitovicës. Një kohë ishte kryetar i Degës së AAK-së në Mitrovicë.

Ai la pas vete gruan me dy fëmijë, nënën dhe anëtarë tjerë të shumtë familjes.Varrimi të ndjerit do të bëhet sot në varrezat e fshatit Leqinë të Skenderajt.

Funerali për në varrezat e Leqinës do të niset nga shtëpia e të ndjerit në Shipol të Mitrovicës, në ora 16:00.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme