Shëndetësi

Lija e majmunëve në Evropë/ Çfarë duhet të dini

Autori: Gazeta inFokus 13:30 | 25 May 2022

Prej disa ditësh, OBSH ka raportuar se janë hasur raste të lisë së majmunëve tek njerëzit në disa shtete të botës.

Orët e fundit kjo sëmundje ka mbërritur edhe në Evropë kryesisht nga Spanja ku po testohen disa raste. Sipas ekspertëve kjo lloj lije nuk është e zakontë, por ka simptoma të lehta.

Si t’i njihni simptomat?

-Advertisement-

Ky virus i rrallë shkakton temperaturën, puçrra të vogla të kuqe, shkakton lodhje, dhimbje muskulare apo dhimbje koke.

Një ndër simptomat më të dhimbeshe sipas ekspertëve është shfaqja e puçrrave të vogla të kuqe në lëkurë.

Ndër simptomat e rralla të këtij virusi janë të vjellat dhe diarrea e vazhdueshme apo problemet me sytë që mund të çojnë deri në verbim.

Sipas ekspertëve pjesa më e madhe e personave shërohet në pak javë pas infektimit dhe vetëm 3.3% e rasteve mund të kenë rrezikshmëri apo vdekje.

Si transmetohet lija e majmunëve?

Ky virus përhapet përmes kontaktit të ngushtë, kryesisht tek kafshët, por edhe tek njerëzit.

Këtu futet edhe kontakti i lëkurës, lëngjeve trupore apo nga çarçafët, rrobat apo sende të tjera personale të kontaminuara më parë.

Një studim i viti 2013 nga Qendra Kombëtare e Kërkimit në SHBA tregon se lija e majmunëve mund të qëndrojë në ajër në një ambient të mbyllur edhe për 90 orë.

Vendet që kanë raportuar raste dhe po merren me evakuimin e këtyre pacientëve deri tani janë Belgjika, Portugalia, Spanja dhe Amerika.

Subscribe në YouTube: GAZETA INFOKUSI