Lajme

Ligji për Byronë në Kushtetuese, Kurti: Nuk kanë ku me shku më – do të bëhet, secili do të tregojë sa ka pasuri

Autori: Gazeta inFokus 22:11 | 05 January 2025

Kryeministri Albin Kurti ka përmendur sot Ligjin për Byronë për konfiskimin e pasurisë së pajustifikueshme.

Ai tha se Byroja për konfiskimin e pasurisë do të bëhet, ndërsa shtoi se në mandatin e ardhshëm “patjetër duhet ta reformojmë me shpejtësi sistemin e drejtësisë”.

“Deri tash e kanë shty, nuk munden ma. Një herë Gjykata Kushtetuese na rrëzoi 5 me 2. Tash prapë është në Gjykatë Kushtetuese”.

-Advertisement-

“Nuk kanë ku me shku më, do të bëhet Byroja, secili do të tregojë sa ka pasuri. Nuk kemi kurrgjë kundër njerëzve të pasur, veç duhet me na kallëzu kah i kanë marrë paret”, tha Kurti.

Kujtojmë se PDK e ka dërguar në Gjykatën Kushtetuese 13 projektligjet e miratuara nga Kuvendi në seancën e 05 dhjetor 2024, përfshirë edhe Projektligjin për Byronë për konfiskimin e pasurisë së pajustifikueshme.

Deputetët e Kuvendit të Kosovës kanë miratuar Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme me 62 vota ‘për’, në seancën e 05 dhjetorit 2024 pa praninë e ligjvënësve të partive opozitare.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme