Lajme

Ligji i Pagave për Zyrtarë Publikë, Molliqaj: Kapja e shtetit prej Albin Kurtit u jetësua sot

Autori: Gazeta inFokus 20:11 | 22 December 2022

Kreu i PSD-së, Dardan Molliqaj ka reaguar pas miratimin të Ligjit të Pagave për Zyrtarë Publikë, raporton GazetaBlic.

Përmes një shkrimi në “Facebook”, Molliqaj thotë se nga sot aparati shtetëror i Republikës së Kosovës do jetë lehtë i cenueshëm ndaj tendencave tashmë të dëshmuara autoritare, që siç thotë ai janë të Albin Kurtit dhe partisë vegël të tij.

“Prandaj, atij i duhet një opozitë e fortë dhe jo konstruktive. Jo për ndonjë arsye tjetër, por për faktin se vetëm fuqinë ai e kupton”, shkrua Molliqaj.

-Advertisement-

Shkrimi i plotë:

Kapja e shtetit prej Albin Kurtit sot u jetësua

Miratimi sot në lexim të dytë i Ligjit për Zyrtarët Publik vë një prej themeleve më të rëndësishme legjislative në shërbim të kapjes së shumë prej institucioneve publike, pavarësia e së cilave është jetike për demokracinë dhe liritë e fituara në Kosovë. Nga sot aparati shtetëror i Republikës së Kosovës do jetë lehtë i cenueshëm ndaj tendencave tashmë të dëshmuara autoritare të Albin Kurtit dhe partisë vegël të tij.

Kapja e shtetit është e rrezikshme prej kujtdo që kapet. E këtë lloj kapje që është e hapur dhe e shkruar, e kemi paralajmëruar para shumë viteve si mënyrën e veprimit të Albin Kurtit. Atë sot, për fatin tonë të keq, e gjeni në frymën dhe përmbajtjen e këtij ligji.

Tendencat autoritare asnjëherë nuk vetëmjaftohen. Ato gjithnjë kërkojnë edhe më shumë hapësirë. Pra, Kurti nuk do ndalet me kaq. Ai do jetë në kërkim edhe për më shumë pushtet.

Prandaj, atij i duhet një opozitë e fortë dhe jo konstruktive. Jo për ndonjë arsye tjetër, por për faktin se vetëm fuqinë ai e kupton.

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme