Lajme

Libi, rrëmbehet zv/kryeministri?!

Autori: Gazeta inFokus 10:35 | 27 June 2018

Zëvendëskryeministri i Libisë raportohet se është rrëmbyer një ditë më parë nga një grup i armatosur në Tripoli.

Një zyrtar i paemëruar i qeverisë në Tripoli konfirmoi se Fat’hi al-Majbari, zëvendësi i kryeministrit të Libisë, është rrëmbyer dhe dërguar në drejtim të panjohur, raporton agjencia turke e lajmeve Anadolu Agency.

Deri më tani nuk ka informacione për fatin e zëvendëskryeministrit të rrëmbyer, apo për vërtetësinë e lajmit.

-Advertisement-

Libia është skenë e një krize të thellë politike dhe të sigurisë që nga viti 2011 kur në protestat masive kundër regjimit u vra Muammar Gaddadi. Që atëherë në pushtet janë qeveritë paralele me seli në Tripoli dhe Tobruk të cilat kanë dhe parlamente të ndara dhe forca të armatosura.

Në fund të vitit 2015 përfaqësuesit e qeverive paralele të Libisë nën ombrellën e Kombeve të Bashkuara nënshkruan një marrëveshje për formimin e Qeverisë së Unitetit Kombëtar.

Plani ishte që qeveria të marrë pushtetin në vend në afat prej 12 muajsh dhe të shpallë zgjedhje parlamentare. Për shkak të mosmarrëveshjeve, deri më tani marrëveshja nuk është implementuar plotësisht, kështu Libia është ende larg nga një vend stabil nga aspekti i sigurisë dhe ai politik.

Subscribe në YouTube: GAZETA INFOKUSI
Etiketa:
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme