Sport

Lewandowski ka kërkesa: Bayern të shpenzojë më shumë

Autori: Gazeta inFokus 14:00 | 09 September 2017

Robert Lewandowski i bën apel Bayern Munchen që të shpenzojë më shumë në merkaton e transferimeve për të qenë sa më kompetitiv në arenën ndërkombëtare.

“Bayerni duhet të sajojë diçka për të sjellë në skuadër futbollistë të një klasi botëror nëse dëshiron që të jetë konkurrues me skuadrat e tjera”, tha sulmuesi polak në një intervistë për “Der Spiegel”.

Sipas Lewandowskit, arsyeja që Bayerni nuk bëri blerje të mëdha në merkaton e kësaj vere është për faktin se klubi bavarez refuzoi të shpenzojë shifra të larta për të siguruar kartonin e ndonjë futbollisti me nivel të lartë.

-Advertisement-

“Deri tani Bayerni ka shpenzuar pak më shumë se 40 milionë euro për blerjen e vetëm një futbollisti”, vijoi Lewandowski. “Është një shifër që shkon më shumë drejt mesatares se asaj të lartë që është vënë re”.

Blerjet më të shtrenjta në historinë e Bayern Munchen janë ata të Javi Martinez për 40 milionë dhe Corenthin Tolisso për 41.5 milionë euro. Bayerni në Ligën e Kampioneve është në një grup me Paris Saint Germain, një skuadër që ka krijuar një sulm të frikshëm me Neymar, Mbappe dhe Cavanin, Megjthatë kjo nuk e pengon polakun te shfaqe besimin se skuadra e tij do të mund të kalojë transalpinët në këtë kompeticion.