Lajme

Lëvizja studentore në mbështetje të marshit kundër dënimit të grupit “Kumanova”

Autori: Gazeta inFokus 13:18 | 03 November 2017

Lëvizja Studentore për Barazi, studim kritikë e veprim do ta mbështesë marshin e orhanizuar sot në shesh për të kundërshtuar vendimin e gjykatës maqedonase për grupin e quajtur Kumanova.

LSV e ka quajtur këtë vendim politik dhe të pranueshëm për të cilin duhet nisur hetim ndërkombëtar, shkruan Indeksonline.

Në reagimin e tyre me tutje thuhet se institucionet e Kosovës duhet urgjentisht të nisin angazhim serioz për vënien e drejtësisë.

-Advertisement-

Reagimi i plotë i tyre

Në mbështetje të Marshit, kundër vendimit të dënimit denigrues të ‘Grupit Kumanova”

Vendimi i gjykatës themelore të Shkupit, me dënimin maksimal me gjithsej 746 vjet burg, përtej konventës së të drejtave të njeriut mbi “Grupin Kumanova”, është tërësisht vendim politik, i papranueshëm dhe për këtë urgjentisht duhet nisur hetim ndërkombtarë për të trajtuar në mënyrën më të denjë këtë rast dhe për të zbardhur drejtësinë mbi ngjarjen e ndodhur në Lagjen e Trimave në Kumanovë.

Ky rast, sikurse edhe shume procese të tjera rezultojnë të jenë të montuara nga autoritetet maqedonase të cilat shprehin shtypjen dhe terrorin ndaj të gjithë shqiptarëve në përgjithësi që jetojnë në shtetin e Maqedonisë.

Autoritetet e Republikës së Kosovës nuk duhet ta injorojnë këtë rast dhe urgjentisht duhet nisur angazhimin serioz në vënjen e drejtësisë së këtij grupi, kryesisht shtetas të Republikë së Kosovës.

SKV sot do të mbështes marshin e organizuar nga grupi i tifozëve “Plisat” dhe fton të gjithë studentët, qyterët e Republikës të kundërshtojnë këtë padrejtësi të autoriteteve maqedone ndaj këtij rasti, përmes marshit i cili organizohet sot në ora 14:00 në sheshin Zahir Pajaziti në Prishtinë.

Subscribe në YouTube: GAZETA INFOKUSI