Levante pa portier ndaj Bilbaos, për një arsye të çuditshme
![](https://gazetainfokus.com/wp-content/uploads/2019/11/20728156-7661523-image-a-1_1573146011736-1.jpg)
Autori: Gazeta inFokus
08:58 | 09 November 2019
Levante konsiderohet si një ndër klubet më në formë të kampionatit spanjoll, pasi ekipi valencian ka mundur në dy ndeshjet e fundit pikërisht 2 nga 3 skuadrat kryesuese në Primera Division si Barcelona dhe Real Sociedad.
Megjithatë “granotas” për momentin janë në krizë të theksuar përsa i përket portierëve, deri në atë pikë sa ditën e dielë në orën 14 në duelin me Athletic Bilbaon në San Mames ekziston mundësia që mes shtyllave të pozicionohet pikërisht portieri i ekipit tjetër Levante B, që aktualisht luan në nivelin e tretë për nga rëndësia, të futbollit profesionist të këtij vendi.
Një problem i tillë ka lindur për arsye të angazhimit të portierit titullar Aitor Fernandez me zgjedhjet e përgjithshme të vendit iberik, që do të mbahen pikërisht më datë 10 nëntor. Teksa skuadra e Levantes do të udhëtojë drejt veriut të vendit, 28-vjeçari bask do të jetë i impenjuar gjatë gjithë fundjavës në qendrën e tij të votimit.
Aitor Fernandez është ndër njerëzit e përzgjedhur të njërës prej qëndrave të votimit dhe ditën e dielë në vend që të veshë dorezat gardiani i Levantes do të duhet të mendojë vetëm për fletët e votimit dhe mbarëvajtjen e zgjedhjeve të përgjithshme në zonën e tij.
Një skenar i tillë e ka lënë fare pa mundësi zgjedhjeje trajnerin Paco Lopez, duke patur parasysh që portieri rezervë i skuadrës Oier Olazabal nuk mund të luajë për arsye dëmtimi.
As bën të ditur se avokatët e klubit të Levantes po punojnë fort për të çliruar portierin Aitor Fernandez nga një detyrim i tillë, sidoqoftë për momentin askush në ekip nuk e ka të qartë nëse 28-vjeçari nga Arrasate do t’i bashkohet grupit të futbollistëve që do të udhëtojnë me autobusin e skuadrës drejt Bilbaos, apo do të qëndrojë në Bregun Lindor të vendit.
Fernandez që vite më parë ka qenë gjithashtu pjesë e skuadrave të ndryshme të moshave të Spanjës, është aktivizuar si titullar në të 12 ndeshjet e zhvilluara deri tani nga skuadra valenciane, ku natyrisht përfshihet edhe suksesi i jashtëzakonshëm i fundjavës së kaluar, 3-1 ndaj kampionëve në fuqi të Barcelonës.
Nëse Aitor Fernandez do të qëndrojë në shtëpi për të respektuar detyrimet si anëtar i komisionit në qendrën e tij të votimit atëherë në mënyrë të kuptueshme trajneri Paco Lopez do të jetë i shtrënguar për t’i dhënë çelësat e portës 22-vjecarit Dani Cardenas.
Nëse do të ndodhë vërtet atëherë për portierin katalanas do të bëhej fjalë për debutimin në Primera Division, pasi deri tani 22-vjeçari nga Terrassa është aktivizuar në shtatë takime për skuadrën e dytë të Levantes, që bën pjesë në Segunda Division B.
Për momentin ekipi i Levantes klasifikohet në vendin e 11 në tabelën e renditjes, por gjithsesi vetëm 3 pikë larg zonës europiane.
![](https://gazetainfokus.com/wp-content/uploads/2023/11/FotoLajm.jpg)
Të tjera
-
Situata me zjarret në Shqipëri, Ministria e Mbrojtjes: 5 vatra ende aktive
Situata me zjarret në Shqipëri vijon të jetë shqetësuese, teksa aktive janë e...
-
Hoti i quan kontradiktore matjet e Pulsit Publik: Dëshmojnë vetëm propagandën e Qeverisë
Deputeti i LDK’së, Avdullah hoti, ka reaguar pas publikimit të rezultateve të...
-
Kurti publikon pamje nga pritja që u bëri Macron në Pallatin Elysee, takohet me Scholz e liderë të tjerë
Kryeministri Albin Kurti ka publikuar pamje nga pritja që u ka bërë President...
-
“25% të kohës në të pame”, Kryeziu i kundërpërgjigjet Demit pas matjeve se si e kalon Kurti kohën
Anëtar i shoqërisë civile, Agron Demi, dje publikoi në profilin e tij një sta...
-
Zhduket një punëtor pakistanez në Kosovë
Një punëtor pakistanez është raportuar si i zhdukur në rrethana ende të paqar...
-
Selmanaj për Kurtin e VV-në: Shpallin tradhtarë këdo që mendon ndryshe
Deputeti i Kuvendit të Kosovës nga radhët e Lidhjes Demokratike, Driton Selma...
-
Policia konfiskon armë e fishekë në Zubin Potok e Zveçan
Policia e Kosovës ka konfiskuar armë pa leje dhe fishekë në veri të vendit, k...
-
Konfirmohen 19 raste të reja me COVID-19 në Kosovë
Instituti Kombëtar i Shëndetësisë Publike të Kosovës, përmes një njoftimi në ...
-
Osmani në Paris takon dukeshën e Luksemburgut
Presidentja Vjosa Osmani ka njoftuar se sot në mëngjes është takuar me Dukën ...
-
Hovenier: Mezi pres të bëj tifo për Kosovën në lojërat olimpike
Ambasadori is SHBA-së në Kosovë, Jeff Hovenier, tha se mezi po pres që ...
-
Abdixhiku: Beteja jonë nuk është shtypja e mediave, por e ardhmja e vendit
Kryetari i Lidhjes Demokratike të Kosovës, Lumir Abdixhiku, ka njoftuar se ka...
-
Në objektin e qeverisë vendosen emrat e 23 pjesëtarëve të Policisë së Kosovës të rënë në detyrë
Në objektin e Qeverisë së Kosovës dje janë vendosur emrat e 23 pjesëtarëve të...