Sport

Legjenda e Manchesterit kritikon lojën e Mourinhos

Autori: Gazeta inFokus 14:31 | 18 September 2017

Gary Neville nuk ishte i kënaqur me paraqitjen e Manchester United megjithëse skuadra e Jose Mourinho mposhti 4-0 Everton në “Old Trafford”. Legjenda e United shqetësohet nga fakti se skuadra mbështetet shumë tek minutat e fundit e ndeshjes dhe se e kanë bërë ves të shënojnë një tufë golash në fund të takimit. Megjithëse United momentalisht ndodhet në krye të renditjes, Neville mendon se ka akoma disa probleme për Jose Mourinho-n.

“Nuk ishte një paraqitje e mirë, ka krijuar një stil loje që bazohet te dalja përpara dhe të qenit të qetë,” shprehet Neville.

“Ndonjëherë skuadra tërhiqet duke futur zëvendësues defensivë. Skuadrat e tjera dëshpërohen dhe United fillon të shënojë gola në fund të ndeshjes. Ka ndodhur dy apo tre herë tashmë këtë sezon, mendoj se Jose njihet si një trajner i durueshëm dhe skuadra me sa duket ka pjekurinë për të qenë në gjendje ta përballojë këtë gjë. Ai duhet të jetë disi i shqetësuar për mënyrën se si pësuan dy golat ndaj Stoke pasi United akoma nuk ka luajtur ndaj skuadrave të mëdha në kampionat.”

-Advertisement-

Subscribe në YouTube: GAZETA INFOKUSI