Sport

Legjenda e Liverpool kritikon ashpër Nunez pas gafës me portën e boshatisur: Ka shumë mangësi!

Autori: Gazeta inFokus 13:13 | 06 October 2023

Liverpool fitoi 2-0 në ndeshjen e Europa League ndaj belgëve të Royale Union teksa golat u shënuan nga Gravenberch dhe Jota. Megjithatë, rezultati mund të kishte qenë edhe më i thellë pasi “The Reds” i patën shanset, por i shpërdoruan.

Një rast flagrant ishte edhe ai i Darwin Nunez që gaboi me portën e boshatisur pas një asisti perfekt të Salah. Në analizën pas ndeshjes, uruguaiani nuk i shpëtoi kritikave të një legjende të Liverpool si Michael Owen. Ish-sulmuesi u shpreh se Nunez ka shumë defekte në lojën e tij dhe se Klopp i duhet punë për t’i marrë më të mirën 24-vjeçarit.

“Nuk e di çfarë ndodh me Nunez, nuk e kuptoj nëse është mungesa e besimit, mungesa e aftësisë apo mungesa e përqëndrimit. Në teori, pjesa më e madhe e lojtarëve profesionistë e shënojnë një rast të tillë. Por, tashmë asgjë që bën Nunez në fushë nuk më surprizon më. Ai ndonjëherë luan në mënyrë të jashtëzakonshme dhe ndonjëherë bën gafa të tilla.

-Advertisement-

Ka shumë defekte në lojën e tij. Nunez e ka materialin për t’u bërë një lojtar shumë i mirë, por ka nevojë për shumë punë dhe i duhet ende të fitojë eksperiencë. Kur një klub shpenzon aq shumë para për një lojtar, unë pres që të ketë marrë një futbollist të kompletuar. Ndoshta Nunez përsërit rastin e Drogba pasi edhe ai vuajti në fillim, por mbetet për t’u parë”, u shpreh Owen.

Subscribe në YouTube: GAZETA INFOKUSI