Lajme

LDK: Kosova duhet të kthehet në binarët e saj, prej ku pushteti populist e ka larguar

Autori: Gazeta inFokus 20:07 | 14 July 2023

Lidhja Demokratike e Kosovës, ka njoftuar se ka mbledhur kryesinë për të diskutuar mbi zhvillimet e fundit politike në vend.

Në komunikatën që ka lëshuar për medie, LDK-ja ka dënuar edhe një herë pamjet e dhunës në Kuvendin e Kosovës një ditë më parë.

Kjo parti thotë se vëmendja duhet të kthehet në normalizimin e situatës në veri, teksa ka kërkuar përgjegjësi politike, mbi përgjimet që u publikuan për shefen grupit parlamentar të VV-së, Mimoza Kusari-Lila.

-Advertisement-

“LDK vlerëson se vëmendja duhet të kthehet në normalizimin e situatës në veri dhe luftimin e krimit dhe korrupsionit”, thuhet në njoftim.

“LDK kërkon përgjegjësi politike për skandalin e publikuar të përgjimeve ku pushteti dhe eksponentë të lartë të tij kanë komunikuar me kriminel që janë në listën e zezë të SHBA-ve dhe tendencat e tyre për ndërhyrje në procesin e drejtësisë si dhe përgjegjësi lidhur me arrestimet e njerëzve të pushtetit të dyshuar për korrupsion”.

“Nga të gjitha skandalet e partisë në pushtet qytetarët janë harruar, prandaj është jetike që vëmendja e institucioneve të Kosovës të kthehet tek sfidat e tyre të përditshme”.

“LDK do të vazhdojë konsultimet me grupe të ndryshme shoqërore në kuadër të nismës drejt rrugës së re; në ndërtimin e masës kritike për ruajtjen e demokracisë, mendimin e lirë e orientimin euroatlantik, si projekt i pandryshueshëm i Republikës. Kosova duhet të kthehet në binarët e saj, prej ku pushteti populist e ka larguar duke e futur vendin në sanksione për tu zbrapsur pastaj në pikën që LDK ka insistuar në vazhdimësi”.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme