Analisti Blerim Latifi ka thënë se aktualisht ne nuk mund t’i bindim serbët që të ndryshojnë sjellje në raport me Kosovën, pasi të ta shteti i Kosovës është një krijesë e përkohshme dhe në të ardhmen Kosova sërish do të bëhet pjesë e Serbisë edhe praktikisht.

Përmes një postimi në Facebook, ai ka thënë se ata as nuk mund t’i detyrojnë sepse ushtarakisht nuk jemi në gjendje t’i detyrojmë, por edhe sikur të ishim, vështirë se do të na mirëkuptonte bota perëndimore.

Ai ka thënë se për të zgjidhur një problem në situata të tilla, duhet rrugë e gjatë që është zhvillimi e fuqizimi i shtetit.

Por, ai ka vënë në pikëpyetje nëse kjo mund të arrihet me elitën politike që e kemi dhe me nivelin e kulturës që e kemi.

Postimi i tij i plotë:

Gjithmonë ka dy mënyra për ta ndryshuar sjelljen politike të tjetrit: njëra quhet arti i të bindurit, tjetra detyrimi me forcë. Aktualisht ne nuk i kemi në dispozicion asnjërën prej këtyre mënyrave për t’i bërë serbët e Kosovës që të ndryshojnë sjelljen e tyre në raport me shtetin e Kosovës.

Nuk i bindim dot, sepse për ta shteti i Kosovës është një krijesë e përkohshme dhe në të ardhmen Kosova sërish do të bëhet pjesë e Serbisë edhe praktikisht.

Nuk i detyrojmë dot, sepse ushtarakisht nuk jemi në gjendje t’i detyrojmë, por edhe sikur të ishim, vështirë se do të na mirëkuptonte bota perëndimore.

Çfarë duhet bërë në situata të tilla kur as me t’mirë e as me t’keq nuk mund ta zgjidhësh një problem?

Para së gjithash duhet filluar me premisën se kur nuk ka rrugë të shkurtër, duhet t’i biesh rrugës së gjatë, e në rastin për të cilin po flasim rruga e gjatë është zhvillimi e fuqizimi i shtetit.

Pse kjo është rrugë e gjatë?

Sepse kërkon mund të jashtëzakonshëm kolektiv dhe atdhedashuri të llojit si të hebrenjve. Edhe pas 74 vitesh të formimit të tij, fqinjët arabë nuk e pranojnë ekzistencën e shtetit të Izraelit, por asnjëri prej tyre nuk ia mban t’ia mësyj asgjësimit të tij, sepse e di se çka e pret: një katastrofë edhe ma e madhe se Lufta e 6 Ditëve e vitit 1967.

A jemi të aftë që një lloj vizioni të ngjashëm ta ndërtojmë për të tashmen dhe të ardhmen e shtetit tonë?

Me kët’ elitë politike që kemi dhe me kët’ nivel të mjerë kulture që kemi, vështirë të japim përgjigje pohuese në kët’ pyetje.

Bileta të lira nga Prishtina drejt Stockholm me PrishtinaTicket!

Sponsoruar