Lajme

Latifi: Ndeja e Kleçkës kishte mesazh politik, por kjo metodë më “nuk dhez”

Autori: Gazeta inFokus 21:26 | 16 January 2023

Profesori universitar i filozofisë, Blerim Latifi, ka thënë në Pressing të T7 se ndeja në Kleçkë e figurave të luftës ka qenë një mesazh politik.

Por Latifi është skeptik që një organizim i tillë mund të ketë sukses.

Ai thotë se oda nuk është një brend atraktiv për të dërguar mesazh politik në vitin 2023.

-Advertisement-

“Kjo është një përpjekje më të gjerë e strukturave që një pjesë e njerëzve brenda PDK-së mendojnë që PDK-ja duhet të përpiqet të rikthejë në radhën e saj disa struktura që gjatë viteve të kaluara për shkak të përplasjeve që kanë pasur janë larguar nga partia”, ka deklaruar Latifi.

“Është një përpjekje që përmes rikthimit të tyre ta fuqizojë PDK-në raport me pushtetin, por edhe me partitë opozitare”, ka thënë Latifi.

“Kjo mënyrë është krejt jo efektive, mendje mbase edhe kundër produktive”, thotë ai.

Por Latifi kritikoi edhe kryetarin e Drenasit, Ramiz Lladrovci për mesazhin kundër Fatmir Limajt, ku përmendi një shembuj “me dele”.

Sipas Latifit PDK-ja nuk duhet ta ketë këtë qasje në vitin 2023.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme