Lajme

Largimi i Kosovës nga ‘Deefender 2023’, Kurti: Masat nuk janë fer dhe janë joproporcionale – marrëdhëniet me BE-në e SHBA-të të shkëlqyeshme

Autori: Gazeta inFokus 12:08 | 13 June 2023

Kryeministri i Kosovës, Albin Kurti, në një konferencë për media, ka folur edhe për largimin e Kosovës nga ushtrimi ushtarak ‘Deefender 2023’.

Ai tha se ndërkombëtarët tej reaguan për veprimet e ligjshme dhe kushtetuese të Kosovës, derisa Deefender po pritej me gëzim nga të gjithë, por që Kosova nuk mund të zmbrapset karshi ekstremistëve të dhunshëm.

“Është e vërtetë, veprimet tona të ligjshme e kushtetuese kanë shkaktuar një tej reagim nga faktorët ndërkombëtarë sa i përket bashkëpunimeve që ne i kemi dhe kjo është parë edhe me anulimin e atij ushtrimi të përbashkët në kuadër të Deefender 2023, në Gjakovë, të gjithë e kemi pritur me gëzim këtë gjë. 1365 ushtarë kanë marrë pjesë. Por nuk mund të zmbrapsim Republikën demokratike dhe mekanizmat e shtetit tonë të pavarur, karshi ekstremistëve të dhunshëm”, tha kryeministri, raporton Gazeta Blic.Ai vlerëson se masat e marra ndaj Kosovës nuk janë fer dhe proporcionale, por që do të vazhdojë bashkëpunimi me SHBA-të e BE-në, me të cilat thotë se kemi raporte të shkëlqyeshme, por që vështirësitë vijnë kur ndërmjetësit kanë kërkesa të palës tjetër.

-Advertisement-

“Besoj që masat që janë marrë ndaj nesh nuk janë fer dhe janë joproporcionale. Sidoqoftë, ne do ta vazhdojmë bashkëpunimin, komunikimi edhe më të dendur për të sqaruar çdo keqkuptim. Po e ritheksoj, ne nuk kemi alternativë tjetër pos BE-së dhe SHBA-ve, marrëdhëniet bilaterale me to vazhdojmë t’i kemi të shkëlqyeshme. Kur vjen puna te ndërmjetësit evropianë dhe amerikanë të cilët vijnë tek ne edhe me kërkesat e palës tjetër, sigurisht që ka sfida dhe vështirësi”, deklaroi Kurti

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme