Lajme

LAJMI I FUNDIT: Rusia sulmon kopshtin dhe jetimoren ukrainase

Autori: Gazeta inFokus 13:49 | 25 February 2022

Një kopsht dhe një jetimore në Ukrainë, është raportuar se janë sulmuar nga forcat ruse, ku ende nuk ka një bilanc mbi ngjarjen.

Lajmin për sulmet, e ka konfirmuar edhe ministri i Jashtëm i Ukrainës, Dmytro Kuleba, i cili nëpërmjet një statusi në Twitter, jo vetëm i ka dënuar këto sulme, por edhe i ka quajtur krime lufte, të cilat dhunojnë Statutin e Romës.

Njëkohësisht, së bashku me prokurorin e çështjes, Kievi ka filluar të mbledhë prova, për t’i dërguar më pas në Gjykatën e Hague-s, në mënyrë që të dënohen autorët.

-Advertisement-

“Përgjegjësia mbi këtë akt është e pamohueshme”, shkruan Kuleba.

Sakaq, ministri i Jashtëm rus, Sergey Lavrov, ka pretenduar se civilët nuk po sulmohen. Por, në raportimet e ukrainasve, ngjarjet flasin ndryshe.

Madje, tashmë, edhe me përfshirjen e fëmijëve në to.

Today’s Russian attacks on a kindergarten and an orphanage are war crimes and violations of the Rome Statute. Together with the General Prosecutor’s Office we are collecting this and other facts, which we will immediately send to the Hague. Responsibility is inevitable.

— Dmytro Kuleba (@DmytroKuleba) February 25, 2022