Sport

LAJMI I FUNDIT: Pochettino tregon se a do të luaj Messi ndaj Manchester Cityt

Autori: Gazeta inFokus 19:30 | 27 September 2021

Trajneri i skuadrës së PSG-së, Mauricio Pochettino, ka folur në konferencë për media para ndeshjes me Manchester Cityn, shkruan Gazeta inFokus.

Pochettino ka konfirmuar se Lionel Messi është i gatshëm për takimin me ekipin anglez.

“Do luajmë me një nga klubet më të mira në botë. Messi është gati dhe ka stërvitur. Fakti është që jemi skuadër në ndërtim, nesër do luajmë ndaj Cityt, që drejtohen nga trajneri më i mirë në botë, që ëndërron ta fitojë Ligën e Kampionëve”, tha fillimisht Pochettino.

Me pas tekniku argjentinas ka deklaruar se skuadra e Manchester Cityt është favorite për ta fituar këtë ndeshje.

“Klubi ka histori vetëm 55 vite. City është favorit, por është ndeshje futbolli dhe mund të ndodh çdo gjë”, shtoi ai.

Ndeshja mes PSG-së dhe Manchester Cityt zhvillohet të martën mbrëma nga ora 21:00 në stadiumin ‘Parc des Princes’.

Kjo ndeshje i takon Grupit A dhe luhet në kuadër të xhiros së dytë të fazës të grupeve në Ligën e Kampionëve./Gazeta inFokus/

Të tjera