Shefja e Grupit Parlamentar të partisë në pushtet, Mimoza Kusari – Lila ka dhënë detaje në lidhje me propozimin franko – gjerman për marrëveshjen finale në mes të Kosovës dhe Serbisë të cilën tha se duhet ta quajmë plan evropian pasi i tillë është.

Deputetja e LVV-së ka thënë se ky propozim plan është i ndarë në dy faza.

“Në nëntor ishte një proces që shumë pak ka marrë vëmendje në Serbi ose në vendet e tjera që mund të mos e ndjejnë ndikimin e tyre por në Kosovëka qenë nja hap i madh përpara. Ajo çka doli tjetër në të njëjtën periudhe kohore ishte plani evropian më duhet të të korrigjoj se kemi kërkesa të vazhdueshme edhe nga vetë qeveria gjermane dhe ajo franceze e natyrisht edhe BE-ja që ky plan nuk ëhstë plan franko – gjerman por është plan evropian në mbështeteje edhe të Shteteve të Bashkuara të Amerikës dhe përmbajtja e këtij plani po s eu mbajt jashtë syvë të publikut në fakt pati disa informacione, kopmonenta të planit që kanë dalë për opinionin publik por cka mund të ju them sot këtu në esencë plani përmban zgjidhjen finale, procesin e normalizimit të përgjithshëm të ndarë në dy faza”, ka thënë ajo në një diskutim të organizuar nga Intituti Demokratik i Kosovës.

Ndërsa sipas saj faza e parë e këtij plani në të cilin mbështetje pati edhe nga SHBA-ja përmban çështje të cilat kanë mbetur të hapura por që nuk përfshin njohjen reciproke në mes të dy shteteve të paktën jo në fazën e parë.
Derisa ka konfirmuar se tashmë kryeministri i Kosovës, Albin Kurti dhe zv. Kryeministri i Kosovës, Besnik Bislimi kanë nisur komentet e tyre për këtë plan të cilin e kanë quajtur mjaft serioz.

“Dhe faza e parë është faza e cila merret me të gjitha çështjet të cilat kanë mbetur të hapura e natyrisht edhe me avancimin e subjektivitetit ndërkombëtar të Kosovës. Por nuk e përmban njohjen reciproke. Faza e dytë është faza e cila tutje synon njohjen natyrisht edhe normalizimin e plotë dhe në këtë dokument në këtë propozim natyrisht që Kosova nuk ka qëndruar indiferente edhe, kryeministri Kurti dhe ZV kryeministri Bislimi keni dëgjuar që prej fillimit kanë thënë që është propozim serioz por që kanë ose rezervojnë të drejtën të japin komentet e tyre të cilat tashmë veç i kanë përcjellë tek propozuesit, gjegjësisht edhe tek vendet të cilat janë përfshirë përmes emisarëve por gjithashtu edhe tek ndërmjetësi i Bashkimit Evropian”, ka thënë Kusari Lila.

Por deputetja nuk ka dhënë detaje nëse ky plan përmban apo jo formimin e Asociacionit të Komunave Serbe, mirëpo ka konfirmuar se përmban çështje të lëna pezull e që Asociacioni është njëra nga to./Gazeta Infokus/

Vrasja e Lulzim Fejzullahut, vjen reagimi i parë nga ministrja Haxhiu

Sponsoruar