Lajme

LAJMI I FUNDIT: Digjet edhe një veturë në Zubin Potok pas konvertimit të targave në RKS

Autori: Gazeta inFokus 10:18 | 02 November 2022

Policia e Kosovës ka njoftuar se të martën është djegur edhe një veturë në Zubin Potok për shkak të konvertimit të targave nga ilegale në RKS, shkruan Gazeta Infokus.

Sipas policisë, ngjarja ka ndodhur në orën 03:34 (pas mesnate), kur policia është njoftuar se një veture të tipit Hyndai me targa RKS i është vënë zjarri.

“Policia e Kosovës, me datën 02.11.2022, në orën 03.34 (pas mesnate) përmes linjës telefonike ka pranuar një informacion për djegien, vënien e zjarrit ndaj një veture të tipit Hyndai me targa RKS, pronë e viktimës mashkull kosovar i komunitetit serb, nga komuna e Zubin Potokut. Njësitet relevante policore nga stacioni policor Zubin Potok, i janë përgjigjur menjëherë vendit të ngjarjes, duke ndërmarrë të gjitha veprimet e nevojshme policore si dhe kanë njoftuar ekipin e zjarrfikësve, të cilët kanë dalë po ashtu në vendin e ngjarjes”, thuhet në komunikatën e policisë.

-Advertisement-

Po ashtu kanë njoftuar Policia e Kosovës mbetet e përkushtuar në realizimin e detyrave dhe përgjegjësive të saja ligjore, në hetimin dhe zbardhjen sa më parë të këtij rasti dhe të rasteve të tjera të zjarrvënieve, të ndodhura dhe të orientuara ndaj pronave private, kryesisht ndaj veturave të regjistruara me targa lokale RKS

“Ftojmë të gjithë qytetarët pa dallime që të bashkëpunojnë me Policinë e Kosovës, e cila do të kujdeset në vazhdimësi në ofrimin e sigurisë ndaj të gjithë qytetarëve pa dallime, në ruajtjen e rendit dhe qetësisë publike, zbulimin e akteve të tilla kriminale dhe sjelljen para organeve të drejtësisë së kryerësve të këtyre veprave kriminale”, thuhet më tej.

Ndryshe, që nga 1 shtatori, në veri të vendit janë regjistruar edhe tri raste tjera të djegies së veturave apo pronës së qytetarëve, të cilët i kanë konvertuar targat e veturave nga ato ilegale që lëshohen nga Serbia, në legale të Republikës së Kosovës – RKS./Gazeta Infokus/

Subscribe në YouTube: GAZETA INFOKUSI