Lajme

Lajçak konfirmon se do të ketë takim Kurti – Vuçiq: Nuk kemi kohë për të humbur

Autori: Gazeta inFokus 10:37 | 06 December 2022

Pas takimit me kryeministrin e Kosovës, Albin Kurti, Emisari Special i Bashkimit Evropian për dialogun, Miroslav Lajçak, ka thënë se është i lumtur që gjendet në Kosovë dhe që nuk ka ardhur për shkak të krizës në dialog por të qetësimit të situatës.

“Së pari jam i lumtur që jam në Kosovë dhe nuk jam këtu për krizën. Është një vizitë e rëndësishme sepse nga qershori kemi qenë në një situatë të krizës dhe duhej të fokusohemi të investojmë energjinë dhe kohën tonë për të tejkaluar këtë krizë. Ne kemi një situatë normale sërish që është pozitive dhe në këtë situatë normale ne duam të kthejmë diskutimin në atë çka është e rëndësishme që është normalizimi përfundimtar i marrëdhënieve në mes të Kosovës dhe Serbisë”, ka thënë ai.

Derisa Lajcak ka konfirmuar se brenda javësh do të ketë një takim të nivelit të lartë sa i përket dialogut Kosovë – Serbi duke theksuar se nuk ka kohë për të humbur drejt normalizimit përfundimtar të marrëdhënieve.

-Advertisement-

“Dhe të diskutojmë për hapat e ardhëm që janë të bazuar në letrën që kam prezantuar këtu me 9 shtator. Dhe ne duam të shfrytëzojmë këtë momentum dhe po punojmë rreth takimeve në nivel të lartë drejt normalizimit dhe që këto takime të nivelit të lartë të jenë jo më larg se brenda javësh. Unë mund të kthehem shpejt prapë që të sigurohem që ky takim do të përgatitet mirë dhe siç e thashë ne nuk kemi më kohë për të humbur, pa presion por duam të shfrytëzojmë këtë moment pozitiv”, ka thënë Lajcak pas takimit me Kurtin.

Kujtojmë se Lajçak ishte dje për vizitë në Beograd, ku ka takuar presidentin e Serbisë, Aleksandar Vuçiq./Gazeta Infokus/

Subscribe në YouTube: GAZETA INFOKUSI
MYZHDE për krejt!
-Advertisement-

Të tjera

Fokusi

lajme