Lajme

Ky shtet diskuton për njohjen e patentë shoferëve të Kosovës

Autori: Gazeta inFokus 18:18 | 04 April 2022

Çështja për njohjen e patentë shoferëve të Kosovës nga shteti i Sllovenisë ka qenë temë e diskutimit mes zëvendësministres së Punëve të Jashtme dhe Diasporës, Liza Gashi, dhe ambasadores së Sllovenisë në Kosovë, Minca Benedejçiq.

Në njoftimin e lëshuar nga ministria thuhet se në takim u bisedua edhe për marrëdhëniet në mes të dy shteteve dhe për fushat në të cilat mund të forcohet bashkëpunimi.

“Fokusi i diskutimit ishte tek bashkëpunimi ekonomik i dy vendeve dhe konsultimet politike me Slloveninë”. Ambasadorja ka folur gjithashtu për projekte të përbashkëta që lidhen kryesisht me fushën e ekonomisë, me krijimin e asociacioneve të përbashkëta që do ndihmonin kategori të caktuara, përfshirë edhe prodhues të pijeve, apo fermerë”.

-Advertisement-

“Gashi e falënderoi ambasadoren e cila u zotua që do ta marrë parasysh kërkesën dhe se do të interesohet për të adresuar këtë çështje tutje”, thuhet në njoftim.

Subscribe në YouTube: GAZETA INFOKUSI