Lajme

Ky është urimi i Thaçit për 28 Nëntor

Autori: Gazeta inFokus 10:01 | 28 November 2017

Presidenti i Kosovës Hashim Thaçi me rastin e festave të nëntorit ka postuar një shkrim në rrjetin social Facebook me anë së cilit përveç urimit për ditën e Pavarësisë së Shqipërisë ka rikujtuar se sot është dalja publike e UÇK-së dhe ditëlindja e komandantit legjendar Adem Jashari.

Postimi i Thaçit në Facebook:

Nëntori i ka dhënë gjithmonë shpirt historisë sonë. Por, krenaria kombëtare, lidhja shekullore dhe vendosmëria e popullit tonë, më së miri për bashkohen rreth Flamurit Kombëtar më 28 Nëntor.

-Advertisement-

Bashkë me 105 vjetorin e Pavarësisë së Shqipërisë, ne sot e festojmë edhe ditëlindjen e komandantit tonë të madh, Adem Jashari, si dhe daljen e parë publike të Ushtrisë Çlirimtare të Kosovës, prandaj gjithë shqiptarëve anekënd botës, ua uroj festat e krenarisë dhe lavdisë sonë kombëtare.

Ky muaj historik na ka dhënë gjithnjë guxim e forcë për ta shpallur edhe Republikën e Kosovës.

Dhe sot, simotra të pandashme, Kosova e Shqipëria qëndrojnë të bashkuara edhe rreth agjendës evropiane. Ishim, jemi dhe do të jemi gjithmonë bashkë! HTH

Subscribe në YouTube: GAZETA INFOKUSI