Sport

Ky është stadiumi ku do të zhvillohet Superkupa ndërmjet Dritës dhe Prishtinës

Autori: Gazeta inFokus 18:57 | 11 January 2021

Për herë të parë në histori trofeu i Superkupës së Kosovës në futboll do të zhvillohet jashtë vendit. Tashmë është konfirmuar që finalja e këtij mini-kompeticioni të luhet në Antalia të Turqisë, raporton Gazetasheshi.com.

Lajmi u është konfirmuar të dy klubeve nga Federata e Futbollit e Kosovës, pasi që fazën përgatitore do ta zhvillojnë pikërisht në tokën turke.

Ndeshja do të zhvillohet më 23 janar me fillim nga ora 14:00 në stadiumin “Mardan Sports Complex”.

-Advertisement-

Ky stadium është ndërtuar gjatë viteve 2007/08, teksa ka një kapacitet prej 7,938 ulëseve, të cilat do të jenë fatkeqësisht të zbrazëta si pasojë e masave anti-Covid.

Në vitin 2008 ky stadium është përdorur për zhvillimin e ndeshjeve të Kampionatit Evropian të 17 vjeçarëve.

Drita do të jetë në cilësinë e skuadrës vendase, pasi që është fituese e kampionatit, ndërkohë Prishtina do ta mbajë epitetin e skuadrës mysafire si fituese e DigitAlb Kupës së Kosovës.

Subscribe në YouTube: GAZETA INFOKUSI