Për këtë të dielë – 1 tetor, është thirrur referendumi për të vendosur pavarësinë e Katalunisë.

Sportistë si Gerard Pique, Aleix Espargaro apo Kilian Jornet, tashmë janë pozicionuar në favor të këtij referendumi. Kjo është një çështje e ndjeshme, kështu që disa klube nuk kanë dashur të pozicionohen, duke thënë se “mos e përzieni sportin me politikën” .

Por, ka edhe mjaft skuadra tjera që nuk e shohin në atë këndvështrim dhe japin publikisht përkrahje për referendumin e së dielës.

-Advertisement-

Gazeta MARCA ka biseduar me klubet e Diviozinit të Parë, Divizionit të Dytë dhe Divizionit të Dytë B, për të ditur se cilat janë pozicionet e tyre në këtë çështje, transmeton IndeksOnline.

Në favor të referendumit, FC Barcelona ishte ndër klubet e para që mbështeti referendumin me një deklaratë të lëshuar më 20 shtator: “FC Barcelona, duke respektuar maksimalisht anëtarët e saj të ndryshëm, do të vazhdojë të mbështesë vullnetin e shumicës së popullsisë katalanase dhe do ta bëjë këtë në mënyrë civile, paqësore dhe shembullore”.

Një klub tjetër në Primera Divison si Girona, është ajo që ka qenë gjithashtu për referendum, me një deklaratë shumë të ngjashme me atë të Barcelonës: “Girona dëshiron të pozicionet në anën e vullnetit të qytetarëve të këtij që kanë të drejtë të shprehur lirinë e tyre demokratike duke ushtruar të drejtën e tyre për të vendosur” .

Sa i përket Divizionit të Dytë, ekipi Reus nuk ka lëshuar një komunikatë zyrtare në favor të referendumit, megjithatë ata e bëjnë të qartë “ndjenjën e ligjshme për katalunasit” .

Në Divizionin e Dytë B, gjendet një pjesë tjetër e klubeve në favorshme të referendumit. Presidenti i klubit Olot, Joan Agustin, ratifikon komunikimin e lëshuar nga klubi: “Të angazhuar historikisht për lirinë e shprehjes, të drejtën për të vendosur dhe mbrojtjen e demokracisë, ne do të vazhdojmë paqësisht me shumicën e popullsisë së Katalunisë” .

Llagostera, Sabadell dhe Lleida janë tre ekipet e tjera të Divizonit të Dytë B, që gjihashtu janë pozicionuar në favor të konsultimit dhe mbi të gjitha, lirisë së shprehjes së qytetarëve të Katalunisë.

Espanyoli është i vetmi klub që kanë vendosur për të mos marrë masa për këtë çështje. ” Eshte e domosdoshme të mbajmë Espanyolin dhe sportin larg politika. Pozicionet e mbushura me fjalë boshe janë të padobishme” , njoftuan ata në një deklaratë.

Gjatë një bisede tjetër me Nastic, Divizoni i Dytë , ata ishin të qartë: “Ne nuk përziejmë politikën me sportin. Tifozët tanë janë të lirë të mendojnë dhe të bëjnë atë se çfarë është më së miri” .

Dy klubet tjera që nuk kanë dashur të pozicionojnë veten nga Segunda B janë Cornella dhe Badalona.

Të parët thanë që: “Cornella nuk ka një masë civile aq të madhe sa të pozicionojë vetveten. Nuk e ka bërë atë që nga fillimi dhe për momentin nuk ka ndermend ta bëjë atë” .

Nga ana tjetër, Badalona nuk kanë lëshuar ndonjë komunikatë për referendumin.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-