Lajme

Ky është polici që vdiq në vendin e punës në Jarinje

Autori: Gazeta inFokus 17:11 | 10 December 2023

Polici Rexhep Sejdiu ka vdekur sot teksa shërbente në pikën kufitare në Jarinje.

Sejdiu ka ndërruar jetë në vendin e punës në Jarinje, gjatë kohës që ishte në ndërrimin e natës.

Rastin e kanë konfirmuar familjarët, duke treguar se varrimi do të bëhet nesër.

-Advertisement-

Vdekjen e policit në vendin e punës e ka konfimruar edhe zëvendësdrejtorin e Policisë në Veri, Veton Elshanin.

Ai thotë se polici Sejdiu ishte duke shërbyer në Jarinje dhe gjatë ndërrimit të natës ka ndërruar jetë. Sipas tij, kolegët e kishin gjetur pa shenja jete disa orë pasi ishte shtrirë për të pushuar.

“Rreth orës 07:20 është gjetur i vdekur zyrtari policor, gjatë ndërrimit në Jarinje. Kolegët e kanë gjetur të vdekur, disa orë pasi ishte shtrirë për të pushuar”, tha Elshani

Mësohet se trupi i pajetë është dërguar për obduksion dhe varrimi pritet të bëhet nesër.

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm

Të tjera