Lajme

Ky është polici që u qëllua në drejtim të tij para stacionit policor në Pejë

Autori: Gazeta inFokus 17:57 | 17 December 2024

Një rast i gjuajtjes me armë ka ndodh sot rreth orës 16:08 në rrugën “Mbretëresha Teutë” në Pejë, pikërisht para stacionit policor, cak i të shtënave ishte një polic.

Siç merr vesh Gazeta Sinjali polici ndaj të cilit është shtënë është: Denis Shala.

Lajmin për gjuajtjen ndaj një polici e ka konfirmuar edhe Fadil Gashi, zëdhënës i policisë për rajonin e Pejës.

-Advertisement-

“Zyrtari policor sapo kishte dalur nga stacioni policor dhe ishte duke e kaluar rrugën në zebra, nga një veturë në drejtim të tij është qëlluar me armë zjarri. Për fat të mirë ai ka shpëtuar pa lëndime”, deklaroi Gashi për Infokus.

“I dyshuari është arritur të identifikohet dhe lidhur me rastin po ndërmerren të gjitha veprimet hetimore për kapjen e tij. Në vendin e ngjarjes ka dalë edhe prokurori dhe njësitet relevante. Aty janë gjetur edhe dy gëzhoja”.

Subscribe në YouTube: GAZETA INFOKUSI