Lajme

Ky është i burgosuri që u arratis nga Reparti i Hematologjisë

Autori: Gazeta inFokus 11:11 | 07 August 2024

Lorik Xhemshiti është i burgosuri që u arratis nga Reparti i Hematologjisë në Shërbimin Spitalor Klinik dhe Universitar të Kosovës.

Siç njofton Shërbimi Korrektues i Kosovës, ai ka ikur sot rreth orës 06:30, nga Reparti i Hematologjisë në SHSKUK.

I njëjti ishte arrestuar më 19 korrik të këtij viti në një aksion të Prokurorisë Themelore në Prishtinë, kundër fajdeve. Bashkë me të ishin arrestuar edhe nëna e vëllai i tij.

-Advertisement-

“Te pandehurit, më parë e në vazhdimësi deri më datën 11.7.2024 pa ndërprerë edhe tani, në Prishtinë, në bashkëkryerje e me qëllim të përfitimit të kundërligjshëm të dobisë pasurore për vete duke shfrytëzuar gjendjen e rëndë financiare të të dëmtuarit B. L., kontraktojnë një shumë dukshëm jo proporcionale të pasurisë në këmbim të shërbimit për personin tjetër e cila rezulton me humbje financiare mbi 100,000.00€”, thuhej në dosjen e Prokurorisë, të cilën e kishin publikuar mediat.

Shërbimi Korrektues i Kosovës, tashmë e ka konfirmuar se janë pezulluar nga puna dy zyrtarë.

“Pezullohen nga puna dy zyrtarë korrektues Shërbimi Korrektues i Kosovës njofton opinionin publik se sot, rreth orës 06:30, nga Reparti i Hematologjisë në SHSKUK ka ikur i burgosuri L.Xh, i njejti ishte i akuzuar për Vepren Penale Fajde. Lidhur me rastin janë pezulluar nga puna dy zyrtarë korrektues, ndërsa është njoftuar edhe policia. SHKK ka filluar hetimet për të zbuluar se si ka ndodhur rasti dhe do t’ju mbajë të informuar”, thuhet në njoftimin e SHKK.

Arratiset edhe një i burgosur, pezullohen nga puna dy zyrtarë korrektues

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme