Lifestyle

Ky është gabimi më i shpeshtë që bëni, sa herë lani dhëmbët

Autori: Gazeta inFokus 09:55 | 19 May 2023

Një prej gabimeve më të mëdha që shumë njerëz bëjnë në procesin e larjes së dhëmbëve është kohëzgjatja.

Dashur pa dashur, një pjesë e mirë e jona nuk shpenzojnë kohë mjaftueshëm teksa lajnë dhëmbët ndërkohë që shumica e dentistëve rekomandojnë larjen e tyre për 2-3 minuta.

Që herën tjetër ta keni më të thjeshtë, hiqni dorë nga furçat me dizenjime të ngarkuara që pretendojnë se ndihmojnë në larjen e dhëmbëve dhe zgjidhni diçka profesionale. Do të habiteni kur të mësoni se furçat më të mira janë më të thjeshtat.

-Advertisement-

Duhet të kujtoni gjithashtu se larja për dy minuta nuk është efektive nëse nuk përdorni teknikën e duhur.

Filloni me sipërfaqet e jashtme të dhëmbëve tuaj, nga mishi i dhëmbëve në të gjithë sipërfaqen. Përsëriteni me sipërfaqet e brendshme. Përdorni majën e furçës kur pastroni pjesën e brëndshme pas dhëmbëve të parë. Pastaj lani sipërfaqet përtypëse të dhëmbëve të sipërm dhe të poshtëm.

Mos harroni gjuhën. Gjuha mund të grumbullojë grimcat e vogla të ushqimit dhe baktereve. Pastrimi i saj do të zhdukë çdo mundësi për erën e pakëndshme.

Subscribe në YouTube: GAZETA INFOKUSI