Lajme

Kush janë tre personat që sipas avokatit të familjes Dehari, i kanë çelësat për hyrje në IML

Autori: Gazeta inFokus 10:01 | 21 February 2023

Avokati Tomë Gashi, përfaqësues ligjor i familjes Dehari, ka thënë se vetëm tre persona kanë qasje në dhomën e mostrave në Institutin e Mjekësisë Ligjore (IML).

Në një deklarim në Radio Televizionin e Kosovës të hënën në mbrëmje, avokati Gashi ka deklaruar se nuk qëndrojnë pretendimet e deputetit Haki Abazi se kryeministri Albin Kurti dhe ministrja Albulena Haxhiu janë të përfshirë në zhdukjen e mostrave të rastit të Astrit Deharit.

“Këto janë përralla të tij. Janë përralla të tij”, tha Gashi, teksa hodhi poshtë pretendimet e deputetit Abazi për përfshirjen e Kurtit dhe Haxhiut në zhdukjen e mostrave.

-Advertisement-

“Vetëm tre persona janë që i kanë çelësat për të hy në dhomën e Ata janë suspendu, por është një komision tjetër që i ka rikthyer në punë. Kjo nuk ka të bëjë asgjë me Ministrinë e Drejtësisë”, deklaroi Gashi.

Gashi tha se “ata tre persona mund të jenë fajtor, mund të mos jenë fajtor”.

“Por, unë nuk mund ta bëjë rolin e prokurorit. Atë duhet ta hetojë prokurori. Zhdukja e mostrave është vepër penale”, tha Gashi.

Ministria e Drejtësisë kishte njoftuar më 8 dhjetor se ka pezulluar nga puna katër zyrtarë të Institutit të Mjekësisë Ligjore, raporton Paparaci.

Vendimi, thuhej se ishte marrë pas pranimit të informacionit të zhdukjes së mostrave të Astrit Deharit në Institutin e Mjekësisë Ligjore. Denoncimin e kishte bërë publikisht ministrja Haxhiu, me anë të një konference të jashtëzakonshme për media.

Por, siç raportoi Paparaci të dielën, katër zyrtarët e suspenduar nga puna në IML: Nardi Sheqergjiu, Flutura Goga, Anila Lakna dhe Ilirjana Shala, janë rikthyer në punë javën e kaluar.

Subscribe në YouTube: GAZETA INFOKUSI
Çka do të thotë të gatuash shqip?

Të tjera

Fokusi

lajme