Kusari-Lila kritika BE-së për mos liberalizim vizash, kërkon ndryshimin e ligjit për festat zyrtare
Autori: Gazeta inFokus 18:01 | 09 May 2022
Shefja e GP të VV-së, Mimoza Kusari-Lila ka thënë se 9 Maji e gjen Kosovën duke pritur BE-në për liberalizim vizash.
Përmes një postimi në Facebook, ajo ka thënë se pavarësisht vështirësive, kosovarët ende kanë besim në BE-në për integrim të Kosovës.
Ajo ka thënë se deputetët sa më parë duhet të kenë pajtim të plotë për ndryshimin e ligjit për festat zyrtare dhe të mbajmë ditë pune ditën e Evropës, ndoshta për të liruar simbolikisht pushimin që BE-ja ia bëri Kosovës në rrugën drejt saj deri më tani.
Postimi i saj i plotë:
Duke pritur BE-në
9 Maji e gjen Evropën në mesin e një lufte në të cilën një shtet sovran i kontinentit të vjetër Ukraina, pa qenë ende anëtar i BE-së, mbron vlerat dhe kufijtë e BE-së ndaj një agresioni të paparë Rus që nga lufta e II-të botërore.
Në Kosovë, përkundër të gjitha vështirësive, Kosovarët mbesin me besimin më lartë në Bashkimin Evropian dhe procesin e integrimit, përkundër se jemi shteti i vetëm në Ballkanin Perëndimor pa liberalizim të vizave, përderisa besimi i popujve të shteteve fqinje, statuset e të cilave në procesin e integrimit janë shumë më të avancuara se ai i Kosovës, kanë besim shumë më të ultë në BE
Kosova shënon ditën e Evropës me ditë pushimi, sikur simbolika e pauzës të cilën të paktën deri tani, BE-ja e aplikoi ndaj progresit të Kosovës në proces të integrimit. Prej mbajtjes së liberalizimit të vizave e deri tek statusi i vendit kandidat i cili ende nuk ka as afat kohor.
Populli ynë e ka të mësuar shpresën në situatat kur ajo mbetet faktori kryesor për të besuar në ardhmen më të mirë.
Megjithatë, mbetet për Kosovën tani momenti kritik në mënyrë që të mbahet besimi në integrimin Evropian, t’i ipet Kosovës liberalizimi i shumë vonuar i vizave, Kosova të dorëzojë aplikimin dhe të ketë pranimin në Këshillin e Evropës, si dhe, Kosova të ketë qartësim të afatit për rrugëtimin e saj drejt integrimit të plotë. Është i domosdoshëm progresi në rrugën e integrimit, pasi progresi brenda Kosovës këtë vitin e fundit është shënuar dhe reflektuar edhe në vlerësimet ndërkombëtare.
Gjithashtu, për ne parlamentarët, sa më parë duhet të kemi dakordimin e plotë të ndryshojmë ligjin për festat zyrtare dhe të mbajmë ditë pune ditën e Evropës, ndoshta për të liruar simbolikisht pushimin që BE-ja ia bëri Kosovës në rrugën drejt saj deri më tani.
Gëzuar dita e Evropës, populli më Evropian i rajonit!
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...