Lajme

Kusari-Lila konfirmon takimet “sekrete” në Zvicër: Nuk janë vazhdim i negociatave

Autori: Gazeta inFokus 16:20 | 19 December 2022

Shefja e Grupit Parlamentar të Lëvizjes Vetëvendosje, Mimoza Kusari-Lila, ka dhënë sqarime rreth një takimi që është mbajtur në Zvicër mes përfaqësuesve politik nga Kosova dhe Serbia.

Ajo, me anë të një postimi në rrjetin social Facebook, ka deklaruar se ky takim është organizuar nga “Council for Inclusive Governance”, në mbështetjen e Ministrisë së Punëve të Jashtme të Zvicrës, sipas taj, ky është takimi i dytë i këtij lloji.

“Takimet në procesin i cili njihet si “Procesi i Soloturnit” mbahen që nga viti 2015. Emri Soloturn, është emri i qytezës së vogël në Zvicër ku ka rastisur të mbahet takimi i parë dhe tjerët kanë vazhduar të mbahen aty. Takimet nuk janë sekrete dhe nuk janë negociata”.

-Advertisement-

“Ato më shumë janë facilitim i komunikimit të palëve në dialog. Takimet organizohen për të ndihmuar në dialog dhe mbahen sipas parimit të ‘Chatham House rules’. Titulli i publikuar nga gazeta zvicerane NZZ, “Takime Sekrete” është senzacional, ndërsa nuk ka asgjë senzacionale gjatë takimeve”.

“Nga Kosova, të gjitha partitë parlamemtare shqiptare dhe përfaqësuesit Serb janë pjesëmarrëse, pozitë dhe opozitë. Sa i përket diskutimit dhe konkluzave nga takimet, ato janë publike, të publikuara në webfaqen e CIG-ut, përfshirë edhe takimin i cili morri publicitet, ai i datës së 11-12 Nëntorit!”, ka shkruar Kusari-Lila.

Lutfi Haziri flet për “takimin sekret” të palës kosovare dhe serbe në Zvicër

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme