Kurti:Kosova e interesuar që Tregu i Përbashkët Rajonal të funksionalizohet
Autori: Gazeta inFokus 14:09 | 20 September 2024
Kryeministri Albin Kurti u prit sot në Bruksel nga Drejtori i Përgjithshëm për Zgjerim i Bashkimit Evropian, Gert Jan Koopman, me të cilin diskutoi aspektet e shumta të procesit të integrimit të Kosovës në BE, përfshirë perspektivën për avancimin e kandidaturës për anëtarësim në kontekstin aktual evropian.
Në takim, sipas njoftimin të Kryeministrisë, u trajtuan edhe çështje tjera të ndërlidhura me procesin e zgjerimit të BE-së në rajonin e Ballkanit Perëndimor, mes të cilave edhe për nevojën e funksionalizimit të Tregut të Përbashkët Rajonal, mbi parimet e pjesëmarrjes së barabartë për të gjitha shtetet e rajonit.
“Kryeministri Kurti tha se Kosova është e interesuar që Tregu i Përbashkët Rajonal të funksionalizohet, sidomos tani kur shënohet 10-vjetori i Procesit të Berlinit, dhe shtoi se kjo duhet arritur duke avancuar në drejtimin e afrimit të rajonit me standardet evropiane, si ato në fushën e ekonomisë, ashtu edhe ato në fushën e demokracisë dhe sundimit të ligjit”, thuhet në njoftim.
Tutje thuhet se Kurti ka vënë në pah se për Kosovën pengesat aktuale në progresin e saj kanë të bëjnë me situatën e sigurisë dhe kërcënimin e vazhdueshëm që vjen nga Serbia, dhe të cilin tha se Kosova kërkon ta adresojë në bashkëpunim me partnerët perëndimorë, pikërisht për shkak të lidhjeve shumta dhe të ngushta të Serbisë me Rusinë.
Në takim, po ashtu, u diskutua edhe fillimi i zbatimit të Planit të Rritjes, si instrument i Komisionit Evropian i krijuar për t’i dhënë shtysë të madhe afrimit sa më të shpejtë dhe përmbajtjesor të vendeve të Ballkanit Perëndimor me BE-në.
Duke folur për procesin e dialogut Kosovë-Serbi, që është proces i ndarë por që ka ndikim në zgjerimin e BE-së, kryeministri Kurti tha se Republika e Kosovës vazhdimisht ka qenë palë konstruktive dhe se e ka në interes përmbylljen e këtij procesi. Në këtë kuptim, kryeministri ia ka konfirmuar Drejtorit Koopman qëndrimin në mbështetje të Marrëveshjes bazë dhe Planit Zbatues, të arritura vitin e kaluar. Kosova, me këtë, riafirmon përkushtimin e saj për procesin e normalizimit të marrëdhënieve mes Kosovës dhe Serbisë dhe zotohet për angazhim konstruktiv në proces për ta çuar atë shpejt përpara. “Në këtë kontekst, Kosova zotohet që plotësisht të zbatojë të gjitha obligimet respektive që dalin nga Marrëveshja Bazike për Rrugën Drejt Normalizimit dhe Aneksi Zbatues i saj, përfshirë aty të gjitha marrëveshjet e kaluara të dialogut. Detajet e implementimit do të diskutohen në dialog nën lehtësimin e BE-së”, tha kryeministri Kurti, thuhet në njoftim.
Nga ana e tij, Drejtori i Përgjithshëm Koopman porositi se përkushtimi i institucioneve evropiane në Bruksel për integrimin e Kosovës dhe tërë rajonit të Ballkanit Perëndimor në BE është i fortë dhe do të vazhdojë të jetë i tillë edhe me përbërjen e ardhshme të Komisionit Evropian, një gjë që është dëshmuar edhe me qëndrimet e shprehura nga Presidentja e Komisionit Evropian, Ursula von der Leyen, në drekën e djeshme me liderët e Ballkanit Perëndimor.
Të tjera
-
Deputeti i LVV-së e thotë qartë: Dejona Mihali ndikon në qëndrimet e deputetëve të partisë në pushtet
Dejona Mihali, koordinatore e komiteteve në Lëvizjen Vetëvendosje sot është i...
-
Të dielën do të mbyllen për qarkullim disa rrugë në Podujevë
Në kuadër të Ditës Botërore pa Makina, të dielën në Podujevë do të shënohet n...
-
Pacolli kundër përdorimit të “Prindi1” “Prindi 2”: Gërryejnë vlerat e familjes, të përdoren “nënë” e “baba”
Kreu i AKR-së dhe ish-presidenti i Kosovës, Behgjet Pacolli, ka dalë kundër p...
-
Vdẹs një i burgosur 78 vjeçar, Shërbimi Korrektues i Kosovës njofton për rrethanat e vdekjẹs
Një i burgosur i moshës 78 vjeçare, me inicialet J.I ka ndërruar jetë në spit...
-
Kolektivi për Mendim dhe Veprim Feminist, me protestë mbështet punëtoret teknike të Kuvendit
Kolektivi për Mendim dhe Veprim Feminist ka protestuar para Kuvendit të Kosov...
-
FSK do të zhvillojë trajnim në Bradash të Podujevës
Komuna e Podujevës ka njoftuar se Forca e Sigurisë së Kosovës (FSK) me datën ...
-
Shkon në ndërmjetësim lënda ndaj të akuzuarit për kanosjen e Ramiz Lladrovcit
Me pajtim të palëve në procedurë, lënda ndaj të akuzuarit Muhamet Ajazi për k...
-
Harris thotë se kushdo që hyn në shtëpinë e saj do të qëllohet
Zëvendëspresidentja e SHBA-së dhe kandidatja demokrate për presidente, Kamala...
-
Hoti: Reformat fiskale, dështimi tjetër i kësaj qeverie – shumë komplekse për ‘reformatorët e tatimit në paga prej 6.8 euro’
Deputeti nga radhët e Lidhjes Demokratike të Kosovës, Avdullah Hoti, ka thënë...
-
Policia për vrasjen në Mitrovicë: Akoma nuk dihet identiteti i të dyshuarit
Policia e Kosovës akoma është duke punuar që të zbuloj identitetin e personit...
-
Gërvalla udhëton drejt Kanadasë, do të marrë pjesë në Takimin e Grave Ministre të Punëve të Jashtme
Ministrja e Punëve të Jashtme, Donika Gërvalla, ka udhëtuar për në Toronto të...
-
Dugolli: Bandat e përndjekura në veri, po riorganizohen në Serbi për ndonjë sulm tjetër si ai i Banjksës
Zëvendëskryetari i komisionit për çështje të sigurisë dhe mbrojtjes në Kuvend...