Kurti: Vrasjet e grave nga partnerët s’vijnë si akte spontane, janë kulmim i dhunës së mëhershme
Autori: Gazeta inFokus 18:32 | 10 December 2022
Kryeministri i Kosovës, Albin Kurti mori pjesë në ceremoninë përmbyllëse të fushatës kundër dhunës në baza gjinore, ku edhe mbajti një fjalim.
Ai përmendi emrat e grave që janë vrarë nga burrat dhe u shpreh se mund të ketë edhe gra të tjera, të cilat siç tha ai, nuk ua kemi dëgjuar historitë.
“Igballe Llalloshi, Diana Kastrati, Antigona Morina , Donjeta Pajazitaj, Zejnepe Berisha, Dafina Zhubi, Flora Omuri, Sevdije Berisha, Valbona Ndrecaj dhe vajza e saj, Salabile Mavrovqani, Sebahate Morina, Marigona Osmani, Lirie Qerimaj, Sanije Godanci, Hamide Magashi, këto janë vetëm disa prej emrave të grave të vrara nga burrat në jetën e tyre, emrat e atyre që historitë e të cilave u bënë publike, që i dimë, por ku ta dimë edhe sa të tjera nuk janë më në jetë, por nuk ua kemi dëgjuar historinë”, tha Kurti.
Kryeministri u shpreh se dhuna kundër grave e vajzave, nuk është dukuri vetëm në shoqërinë tone, përcjell Klankosova.tv.
“Dhuna kundër grave e vajzave, nuk është dukuri vetëm në shoqërinë tonë, për fat të keq, secilin vit, në secilin shtet, ku më shumë e ku më pak, gratë e vajzat vazhdojnë të jenë viktima të burrave të frustruar e të dhunshëm, të tradhëtuara e të lënduara nga më të afërmit e tyre, çdo ditë. Studimet e bëra tregojnë se në botë një në tri gra përjeton dhunë fizike ose seksuale kryesisht nga partneri i saj. Dhuna ndaj grave dhe vajzave shkakton dëme të aty për atyshme dhe dëme afatgjate, këto dëme qoftë fizike, seksuale, psikologjike e emocionale, janë shkatërruese edhe në rastet kur epilogu nuk është vdekja”, u shpreh ai.
Tutje, Kurti tha se vrasjet e grave nga partnerët nuk vijnë si akte spontane, por, siç tha ai, janë kulmim i dhunës së mëhershme.
“Dhuna ua pamundëson atyre pjesëmarrjen e plotë në shoqëri, i prek familjet e tyre, komunitetin e përbashkët, por edhe shtetin në tërësi. Si rrjedhojë e kësaj, ky fenomen na prek e na përketë të gjithë neve, andaj duhet adresuar së bashku. Vetëm me punë e aktivizëm të përbashkët mund të ndryshojmë mentalitetin shoqëror, për këtë na nevojitet solidaritet kombëtar, e solidaritet ndërkombëtar. Vrasjet e grave nga partnerët e tyre nuk vijnë si akte spontane, por janë kulmim i dhunës së mëhershme, të përjetuar në lidhje”, u shpreh tutje ai.
Të tjera
-
Edita Tahiri: Retorika e Vuçiqit dhe Kurtit është boshe, gjithçka varet nga Amerika
Ish-zëvendëskryeministrja e Kosovës, Edita Tahiri, ka komentuar k...
-
Parandalohet një rast i kontrabandës, konfiskohen 264 kilogramë mjaltë me vlerë 2500 euro
Njësia e TASK FORC-ës -Lindje ( e përberë nga Dogana dhe Policia Kosovës) në ...
-
Mefail Bajqinovci shtron pyetje për opozitën: A ka qëndrim LDK dhe PDK për kërkesën e Vuçiqit për kthimin në gjendjen e mëparshme të veriut?
Deputeti i Vetëvendojses, Mefail Bajqinovci, ka shtruar pyetje ndaj PDK-së dh...
-
Rrahja në Kuvend: Pas pajtimit për ndërmjetësim mes VV-së e PDK-së, hudhet poshtë aktakuza
Në qershor të vitit 2023, Lëvizja Vetëvendosje dhe Partia Demokratike e Kosov...
-
DASH lidhur me aktakuzën për Banjskën: Të respektohet procesi gjyqësor
Shtetet e Bashkuara tha se inkurajojnë respektimin e procesit gjyqësor dhe të...
-
Dyshohet se sụlmoi fizikisht nënën dhe motrën e tij, arrestohet një burrë në Klinë
Policia e Kosovës ka arrestuar një burrë në Klinë, meqë i njëjti dyshohetr se...
-
Dyshohet se një fëmijë në Gjakovë është keqtrajtuar fizikisht
Dyshohet se një fëmijë në Gjakovë është se është kequshqyer, edhe është keqtr...
-
Arrestohet një person në Lipjan, në vazhdimësi përcillte një grua
Është arrestuar një person në Lipjan. Policia e Kosovës, ka bërë të di...
-
Torres i reagon Vuçiqit: Kosova nuk kthehet mbrapa, je në anën e gabuar të historisë
Kongresisti amerikan, Ritchie Torres, ka reaguar ndaj fjalimit të presidentit...
-
PDK akuzon Qeverinë për dështim total në tërheqjen e investimeve
Partia Demokratike e Kosovës konsideron se Kosova ka dështuar në thithjen e i...
-
Policia largon posterat me foton e Radojçiqit që u vendosën në tri komuna në veri, i merr si provë materiale
Policia e Kosovës ka konfirmuar se në tri komunat veriore, Leposaviq, Zubin P...
-
KFOR-i përfundon stërvitjen e udhëhequr nga EUFOR “Reagimi i Shpejtë 2024” në Bosnje dhe Hercegovinë
KFOR-it ka bërë të ditur se ka përfunduar stërvitja e nga EUFOR “Reagimi i Sh...