Lajme

Kurti takon në Mynih Kryeministrin e Armenisë, shtetit që s’e njeh ende Kosovën

Autori: Gazeta inFokus 18:15 | 16 February 2024

Kryeministri i Kosovës, Albin Kurti ka zhvilluar një takim me kryeministrin e Armenisë, Nikol Pashinyan.

Ky takim ishte i pari mes tyre dhe Kurti shprehu mirënjohjen ndaj qëndrimit të Armenisë në procesin e anëtarësimit të vendit tonë në Këshillin e Evropës.

Kurti ndër tjera theksoi se Kosova i ka të përbrendësuara vlerat e Këshillit të Evropës dhe se krahas kësaj organizate, synon anëtarësimin edhe në NATO.Në anën tjetër, kryeministri armen theksoi rëndësinë dhe simbolikën e këtij takimi të parë mes dy kryeministrave.

-Advertisement-

Ai po ashtu shprehu interesim për bashkëpunim ekonomik dhe për mundësitë që ofron Kosova në investime.

“Në këtë drejtim, mes tjerash, Kryeministri Kurti veçoi sektorin e energjisë.Interesim dhe gatishmëri të dyanshme kishte edhe për bashkëpunim në fushën e kulturës, filmit, turizmit dhe edukimit”, thuhet në komunikatë.

Subscribe në YouTube: GAZETA INFOKUSI