Lajme

Kurti takohet me kryeministrin kroat, pritet të nënshkruajnë disa marrëveshje

Autori: Gazeta inFokus 12:17 | 13 December 2024

Kryeministri i Kosovës, Albin Kurti, ndodhet për një vizitë zyrtare në Kroaci. Ai u prit fillimisht nga homologu kroat Andrej Plenkoviq, ndërsa raportohet se pritet të takohet edhe me presidentin kroat dhe me kryetarin e Kuvendit.

Dy kryeministrat zhvilluan një takim zyrtar.

Që të dy pritet të nënshkruajë edhe një sërë marrëveshjesh dhe memorandumesh, ndërsa Kurti do të marrë pjesë edhe në forumin e parë ekonomik të Kroacisë dhe Kosovës.

-Advertisement-

“Më vjen mirë që kjo është vizita e tij e parë zyrtare, bilaterale me Kroacinë dhe reciproke pas vizitës sime në Prishtinë para disa viteve”, tha Plenkoviq.

Ai ka theksuar se në takimin e sotëm është biseduar për marrëdhëniet ndërmjet Kroacisë dhe Kosovës, të cilat janë tradicionalisht miqësore dhe të mira.

Ai shtoi se sot fokusi është në ato tema që lidhin të dy vendet.

“Para së gjithash, marrëdhëniet e mira ekonomike. Vitin e kaluar, këmbimi ekonomik arriti në gati 200 milionë euro. Këtë vit për tetë muajt e parë ishte afër 15 milionë euro”, tha Plenkoviq.

Subscribe në YouTube: GAZETA INFOKUSI