Lajme

Kurti takohet me gazetarët, s’i lejon ta kryejnë punën

Autori: Gazeta inFokus 20:54 | 29 December 2022

Organizuan pritjen për gazetarët me rastin e festave të fund-vitit. Por puna e tyre u pamundësua nga vetë nikoqirët e këtij organizimi, krerët e ekzekutivit të Kosovës.

Kamerat dhe mikrofonat nuk u lejuan të ndizen, ndonëse numri i punonjësve të mediave në një vend s’ishte asnjëherë më i lartë.

Ata që s’ishin aty, morën një falënderim nga kryeministri.

-Advertisement-

“Në veçanti, më lejoni t’i përshëndes gazetarët, kolegët tuaj, të cilët sot janë në veri të Ibrit, duke raportuar”, tha Kurti.

Duke mos pranuar pyetje, tregoi edhe një herë se çka e karakterizoi vitin e parë kalendarik që ky udhëhoqi si shef qeverie.

Më pas kreu i ekzekutivit vazhdoi dhe bisedoi me secilin gazetar nga çdo media në vend.

Por kjo nuk e ndryshon faktin se që nga marrja e detyrës në prill të vitit 2021, shkoi për intervistë në vetëm dy televizione.

Teksa paraqitja e tij e fundit para mediave në Kosovë ishte para tre muajsh, për dallim nga mediat e rajonit apo ndërkombëtare, në të cilat shkon shumë shpesh.

*Pamjet janë xhiruar me telefon

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme