Lajme

Kurti priti në takim lamtumirës ambasadoren e Suedisë në Kosovë

Autori: Gazeta inFokus 15:14 | 19 July 2022

Kryeministri i Kosovës, Albin Kurti, priti në takim lamtumirës ambasadoren e Suedisë në Kosovë, Karin Hernmarck.

Kurti e falënderoi ambasadoren për bashkëpunimin dhe për mbështetjen e vazhdueshme të Suedisë për e Kosovën përgjatë viteve.

Në njoftimin e Qeverisë thuhet se Suedia është ndër katër donatorët më të mëdhenj në Kosovë, e cila ka ndihmuar me mbi 10 milionë euro në vit institucionet publike dhe organizatat e shoqërisë civile në projektet për zhvillim ekonomik dhe demokratik, të drejta të njeriut dhe mbrojtje të mjedisit, që kanë ndihmuar në transformimin e shoqërisë tonë.

“Kryeministri e falënderoi veçanërisht ambasadoren për rolin e saj aktiv në promovimin e barazisë gjinore dhe mbrojtje të mjedisit. Ai e përgëzoi edhe për vendimin për aplikim për anëtarësim në NATO, duke theksuar se anëtarësimi i Suedisë në NATO do të jetë vlerë e shtuar për aleancën dhe do të forcojë paqen dhe sigurinë në Evropë”.

“Hernmarck falënderoi Kryeministrin për bashkëpunimin, duke i uruar suksese me reformat që ka filluar, për stabilitetin institucional që ka sjellë dhe për fokusimin në politika që transformojnë jetët e qytetarëve. Po ashtu, ritheksoi përkushtimin e Qeverisë së Suedisë për përkrahjen e zhvillimit gjithëpërfshirës dhe të qëndrueshëm ekonomik, sundim të ligjit dhe shoqëri të lirë e demokratike”, thuhet në njoftim.

Të tjera

Fokusi

lajme