Lajme

Kurti pret në zyrë Hetemin, kërkon qeverisje të drejtë dhe demokratike nga ai

Autori: Gazeta inFokus 20:46 | 13 March 2024

Kryeministri i Republikës së Kosovës, Albin Kurti, i shoqëruar nga ministri i Administrimit të Pushtetit Lokal, Elbert Krasniqi, mirëpriti sot në Kryeministri Kryetarin e Komunës së Leposaviqit, Lulzim Hetemi, nënkryetaren e Komunës, Marina Bogojevic dhe shefen e Kabinetit të Kryetarit, Shqipe Latifi.

Kryetari Hetemi dhe nënkryetarja Bogojevic njoftuan kryeministrin për arritjet e deritanishme dhe për sfidat në qeverisjen komunale.

Siç njofton kumtesa për media, në takim u fol për projektet potenciale që mund të realizohen në bashkëpunim me nivelin qendror, teksa u theksua rritja e interesimit të qytetarëve për të aplikuar për programet e komunës për subvencione.

-Advertisement-

Kryeministri Kurti i përgëzoi për punën, angazhimin dhe kontributin.

Duke u dhënë mbështetjen e tij, ai kërkoi nga ata qeverisje të drejtë, të mirë e demokratike.

Subscribe në YouTube: GAZETA INFOKUSI