Lajme

Kurti merr mbështetje nga kryetari i komunës së Linzit në Austri për veprimet në veri: Solidariteti demokratik evropian është thelbësor

Autori: Gazeta inFokus 16:17 | 25 June 2023

Kryeministri i Kosovës, Albin Kurti, ka publikuar një letër që ka marrë nga Klaus Luger, kryetar i Linzit të Austrisë, një komune me 203 mijë banorë, për veprimet në veri.

Në letrën që ka marrë Kurti, thuhet se Luger mbështet “kthimin e shtetit të së drejtës” në komunat me shumicë serbe.

“Nuk mund të jetë në frymën e një shteti modern të mos pranojë rezultat zgjedhor dhe ta kundërshtojë atë me veprime të dyshimta. Prandaj, mbështes thirrjen tuaj për kthimin e shtetit të së drejtës në ato zona ku banohen me shumicë serbe dhe ku kryetarët kosovarë tani duan t’u shërbejnë qytetarëve”, thuhet në letër.

-Advertisement-

Ju lutem vini re mbështetjen time dhe dëshiroj t’ju siguroj edhe një herë se mirëqenia e popullit të Kosovës është një çështje e madhe për mua. Jam i bindur se një bashkëjetesë paqësore dhe vlerësuese do të jetë një moment historik i rëndësishëm në zhvillimin e mëtejshëm të vendit tuaj”, vijon letra.

Në anën tjetër, kryeministri Kurti ka thënë se solidariteti demokratik evropian është thelbësor për të.

“Dëshiroj të falënderoj kryetarin e komunës së Linzit, Klaus Luger, për mbështetjen e Kosovës në respektimin e rezultatit të zgjedhjeve dhe sundimin e ligjit në veri, si dhe për dënimin e tij ndaj agresionit të Serbisë, përfshirë rrëmbimin e tre policëve. Solidariteti demokratik evropian është thelbësor”, ka deklaruar Kurti.

Subscribe në YouTube: GAZETA INFOKUSI